भांगरभूंय | प्रतिनिधी
नवी दिल्ली : भारतीय उद्देजक, रिलायन्स फावंडेशनाची संस्थापक नीता मुकेश अंबानी हांची भारतांतली आयओसी वांगडी म्हूण परत एकदां एकमतान निवड जाली. तिका 100 टक्के मतां मेळ्ळी. पॅरिस 2024 ऑलिंपिकाच्या उक्तावण सुवाळ्या पयलीं आंतरराष्ट्रीय ऑलिंपिक समितीन (आयओसी) बुधवारा 142वी आयओसी बसका घेवन जाहीर केलें.
परतून वेंचून आयले उपरांत उलयतना नीता अंबानी हांणी सांगलें, आंतरराष्ट्रीय ऑलिंपिक समितीची वांगडी म्हूण परतून वेंचून आयिल्ल्यान म्हाका खूब बरें दिसता. अध्यक्ष बाक आनी आयओसींतल्या म्हज्या सगल्या सहकाऱ्यांनी म्हजेर विस्वास आनी विस्वास दवरला ते खातीर हांव तांचें उपकार मानतां. हो फकत वैयक्तीक उपलब्धी न्हय तर संवसारीक खेळां मळार भारताच्या वाडट्या प्रभावाची मान्यताय आसा. हांव दर एका भारतीया वांगडा आनंद आनी अभिमानाचो हो खीण वांटून घेतां आनी खेळां प्रती आमचे यत्न चालू दवरतां.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
