भांगरभूंय | प्रतिनिधी
पणजी : हालींच सांख्यिकी खात्याचे संचालक विजय सक्सेना हांकां सेवेंत मुदतवाढ दिल्या. फुडल्या पंदरा दिसांनी ही आनी हेर अधिकार्यांक दिल्ली मुदतवाड फाटीं घेना जाल्यार खर आंदोलन करपाची शिटकावणी सांता क्रुझ गट कॉंग्रेस समितीचे अध्यक्ष जॉन नाझारेथ हांणी दिली. मंगळारा पणजे जाल्ले पत्रकार परिशदेंत ते उलयताले. ह्या वेळार एडवीन वाझ, ट्रेव्हर फर्नांडीस, कायतान बरेटो, गाब्रीएल ब्रागांझा आनी हेर पदाधिकारी हाजीर आशिल्ले.
नाझरेथ हांणी सांगलें, विजय सक्सेना हांकां आतां मेरेन तीन फावटीं मुजतवाड दिल्या. सक्सेना हे सह संचालक पदार आशिल्ल्यान तांचे कडेन संचालक पदाचो ताबोय आसा. ह्यान पयलीं हांगा विकास गावणेकार हांणी बरें काम केल्लें. तांची बदली जाले उपरांत सक्सेना हांकां ह्या पदाचो ताबो दिलो. हाका लागून तीन उप संचालकांची बढती मेळना. हाका लागून हाचे सकयल्या हे कनिश्ठ कर्मचार्यांकूय बढती मेळना. ह्यान पयलीं न्यायालयानूय अशे मुजतवाडीक विरोध केल्लो.
तांणी म्हणलें, हेर पात्र कर्मचार्यांक बढती मेळूंक नात. हाका लागून तांच्या निवृत्ती वेतनाचेर परिणाम जाता. राज्यांत बेरोजगारी वाडटा. खुबशे पदवीधर नोकरी नाशिल्ल्यान घरा बसून आसात. पद्व्युत्तर पदवी घेतिल्ले एमटीएस म्हणून काम करतात.
निवृत्त कर्मचार्यांक मुजतवाड दिल्ल्यान अशा गरजू उमेदवारांचेरूय अन्याय जाता. पंदरा दिसांनी मलुजतवाड फाटीं घेना जाल्यार आमी अशे तरेच्या खात्यां मदीं वचून आंदोलन करतले. ह्या प्रसंगार ह्या अधिकार्यांक घेराव घालतले.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
