भांगरभूंय | प्रतिनिधी
कुडाळ : आदले मुख्यमंत्री आनी खासदार नारायण राणे हांची ज्या पक्षांतल्यान आनी ज्या चिन्ना वेल्यान सुरवात जाली त्या धनुश्य बाणाचेर वेंचणूक लढोवपाची म्हाका संद मेळटा. हें हांव म्हजें भाग्यूच समजतां, अशें आदले खासदार निलेश राणे हांणी सांगलें. बुधवार २३ ऑक्टोबराक मुख्यमंत्री एकनाथ शिंदे हांचे हाजेरींत शिवसेनेंत प्रवेश करतलों अशेंय तांणी पत्रकार परिशदेंत सांगलें.
निलेश राणे हांणी कुडाळा पत्रकार परिशद घेतली. ह्या वेळार आदले नगराध्यक्ष विनायक राणे, आदले नगरसेवक राकेश कांदे हजर आशिल्ले.
निलेश राणे हांणी सांगलें, २०१९ त आदले मुख्यमंत्री नारायण राणे, आमदार नितेश राणे हांचे सयत हांवें भाजपांत प्रवेश केलो. भाजपांतले उपमुख्यमंत्री देवेंद्र फडणवीस, पालकमंत्री रवींद्र चव्हाण हांचे सयत जायत्या फुडार्यांनी म्हाका खूब सहकार्य केलें. म्हाका तांणी समजून घेतलें आनी बरो वांगड दिल. युती धर्माच्या शिश्टाचारा प्रमाण फुडार्यांनी थारायिल्ले प्रमाण निर्णय जायत आसतात आनी त्या निर्णयांतले महायुतींतल्यान वेंचणूक लढपाची म्हाका संद मेळटा. महाराष्ट्राचे मुख्यमंत्री एकनाथ शिंदे आनी तांच्या सगळ्या मंत्र्यांचे हाजेरींत फाल्यां बुधवार २३ ऑक्टोंबराक सांजेवेळार ४ वरांचेर कुडाळ हायस्कूल मैदानार हांव शिवसेनेंत प्रवेश करतलों. भाजपाच्या सगळ्या फुडार्यांनी आनी कार्यकर्त्यांनी आतां मेरेन म्हाका सहकार्य केलांच. फुडेंय करचें, अशें तांणी म्हणलें.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
