भांगरभूंय | प्रतिनिधी
भांगरभूंय । प्रतिनिधी
वास्कोः येरादारी नेमांचें उल्लंघन केल्ल्यान निलंबीत केल्ली ड्रायव्हींग लायसना परत मेळपाक जाय जाल्यार ‘ड्रायव्हर रिफ्रेशर प्रशिक्षण’ घेवचें पडटलें. तातूंत येसस्वी जाल्ल्यांकूच परत लायनसा दिवपाची प्रक्रिया सुरू करतले. येरादारी पुलीस अधिक्षक राहुल गुप्ता हांणी ही म्हायती दिली. राज्यांतली येरादारी सुरक्षा वाडोवपा खातीर ‘ट्रस्ट’ ह्या उपक्रमाची सुरवात केल्या.
मोटार वाहन कायदो 1988 च्या कलम 19 (2 अ) प्रमाण ड्रायव्हर रिफ्रेशर प्रशिक्षण घेवप सक्तीचें आसा. ज्या लायनसधारकाचें परवाने निलंबीत केल्यात तांणी परवाने आशिल्ल्या आस्थापनां कडल्यान रिफ्रेशर प्रशिक्षण घेवपाची गरज आसा. हेल्मेट घालप ना, ट्रीपल सीट, माल येरादारी करपी वाहनांतल्यान प्रवाशी व्हरप, सोरो पियेवन वाहन चलोवप असल्या प्रकरणांत तीन म्हयन्यां खातीर लायनस निलंबीत करतात. अशें गुप्ता हांणी सांगलें.
ज्या कोणाची लायनसा निलंबीत केल्यात ताणी रिफ्रेशर प्रशिक्षण घेवपाची गरज आसा. वाहन चलोवप्याच्या वर्तणुकीचो विचार करतले. तशेंच द्या व्यक्तीचं वाहन कायदो, नेम आनी येरादारी चिन्हा हाचें गिन्यान तपासून पळयले. प्रशिक्षण पुराय करतगीर एक प्रमाणपत्र दितले. अशी म्हायती गुप्ता हांणी दिली.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
