भांगरभूंय | प्रतिनिधी
भांगरभूंय । प्रतिनिधी
केरी-सत्तरीः निरकांल हांगा वस्ती करून आशिल्ल्या माकडमारी समाजांतल्या भुरग्यांक तांची पुस्तकां आनी हेर वस्तू दवोरपाक खातीर दिवचल तालुक्यांतल्या साळ हांगच्या तिळारी धरणग्रस्त पुनर्वसणुकेंतली शाळा, मायणी-नावेली आनी धुळापी- खोर्ली हांगच्या प्राथमीक शाळेंतल्या विद्यार्थ्यांनी राखी विकून मेळयल्ल्या पयशांतल्यान कपाट घेवन तांकां ती भेट म्हणून दिल्या.
फाटल्या आयतारा ह्या शाळांतल्या विद्यार्थ्यांनी निरंकालच्या माकडमाऱ्यांचे वस्तीक भेट दिवन माकडमाऱ्यांच्या भुरग्यांक हें कपाट दिलें. ह्या उपक्रमाक साखळेच्या संवेदन केंद्र संस्थेची माधवी राण आनी दशरथ मोरजकार हांणी पालोव दिलो. शिक्षक धाकटू पाटील, संकेत नायक, स्मिता राऊळ, गौरी पाटील, स्नेहा देसाय, एनी गांवस, आत्माराम नायक, योगिता पुनाळेकार, जागृती नायक, सुमिता फडते, आत्माराम च्यारी, नवनाथ गांवकार, एकनाथ हडफडकार, शिल्पा राणे, रुपा नायक, वर्षा मालवणकार आनी दीप्ती गावडे हांणी विद्यार्थ्यां वांगडा माकडमाऱ्यांच्या भुरग्यांची भेट घेतली.
ह्या विद्यार्थ्यांनी माकडमाऱ्यांच्या भुरग्यांक राखी बांदल्यो. माकडमाऱ्यांचें राहणीमान, तांचे खाणे, कामधंदो, शिक्षण, भलायकी विशींची म्हायती घेतली.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
