भांगरभूंय | प्रतिनिधी
पणजी, प्रतिनिधी ः तक्षशिला संस्थेचे सहसंस्थापक आनी संचालक तशेंच हालींच उजवाडाक आयिल्ल्या “नितोपदेश” ह्या पुस्तकाचे लेखक बेंगळुरूचे नितीन पै शेनवारा, 14 ऑक्टोबराक सकाळीं 10.30 वरांचेर आंतरराष्ट्रीय केंद्र गोंयांत (आयसीजी) व्याख्यान दितले.
आयसीजीचे संचालक डॉ पुष्कर हांच्या कडेन पै आपल्या पुस्तकाचेर भासाभास करतले. बरे नागरीकत्व आनी नागरी-कलेचेर धडे दिवपी “नितोपदेश” हो कथासंग्रह आसा. नागरीकत्वाचे अर्थ, नागरीक म्हणून येवपी नैतीक दुविधा आनी समाजीक समस्यांक कशे हाताळचे अशे विशय ह्या कथांनी आस्पावला. भारताचे प्रधानमंत्री अर्थीक सल्लागार मंडळाचे अध्यक्ष बिबेक देबरॉय हांणी हालींच महाभारताची पुराय 10 खंडांची आवृत्ती इंग्लीशींत अणकारीत केल्या, ह्या अग्रलेखाचो ह्या पुस्तकांत आसपाव केला.
पै हे सहसंस्थापक आनी संचालक आशिल्ली तक्षशिला संस्था ही भौशीक धोरणांतल्या संशोधन आनी शिक्षणाचें स्वतंत्र केंद्र आसा. पै हांच्या सद्याच्या संशोधनांत इंडो-पॅसिफिकच्या भूराजनीतीचेर, संरक्षण अर्थशास्त्र आनी मूलगामी नेटवर्क समाजाचें राजकारण हांचो आस्पाव जाता. तक्षशिलाच्या पदवी कार्यावळींत ते आंतरराश्ट्रीय संबंद आनी भौशीक धोरण शिकयतात. पै राश्ट्रीय दिसाळ्यांनी बरयतात आनी एका दशका परस चड काळ सिंगापूर सरकाराचे तंत्रज्ञान धोरण निर्माते आशिल्ले.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
