भांगरभूंय | प्रतिनिधी
म्हापशें ः वायंगिणवाडो, नास्नोळच्या दिनेश पटेकार हांच्या घराक उजो लागून सुमारे ५ लाखांचें लुकसाण जालें. ही घडणूक शॉर्ट सर्कीटाक लागून जाल्ल्याचो अदमास आसा. ही घडणूक सोमार १८ तारखेर सकाळीं सुमार १०.५० वरांचेर घडली.
पटेकर कुटूंबीय घर बंद करून भायर सरले उपरांत ही घडणूक घडली. घरांतल्यान धुंवर येता तें पळोवन दिनेश पटेकार हांच्या भावाच्या कुटूबियांनी उजो पालोवपी दळाक हे विशीं म्हायती दिली. घडणुकेची म्हायती मेळटांच म्हापशें उजो पालोवपी दळाच्या जवानांनी घडणुके सुवातेर पावन उज्याचेर नियंत्रण मेळयलें. तो मेरेन घरांतले एके कुडींतलें सामान लासून गोबोर जाल्लें. तशेंच आशिकुशीकच्यो वस्तूय पेड्ड्यार जाल्यो. उज्यांत आल्मार, खांट, फ्रीज, टीव्ही, कपडे आनी हेर सामान तशेंच नळ्यांचें पांखें लासलें.
म्हापशें उजो पालोवपी दळाचे अधिकारी गणेश गोवेकार, उपअधीकारी प्रकाश कान्नायक, अमित फडते, भगवान पाळणी, विष्णू केसरकार, अशोक वळवयकार आनीलविंदर साळगांवकार ह्या जवानांनी येवन उजो नियंत्रणांत हाडलो.
म्हापशें पुलिसांनी घडणुकेचो पंचनामा केलो. थळाव्या पंच वांगड्यांनी घडणुके सुवातेर भेट दिवन पळोवणी केली. चवथ तोंडार आसतना ही उजो लागपाची घडणूक घडिल्ल्यान सरकारान सर्थीक मजत करची , अशी मागणी पटेकार कुटुंबियांनी केल्या.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
