भांगरभूंय | प्रतिनिधी
मडगांव : नावेलेच्या कोलमोरोड वाठारांत रातीं दोग जाणांनी दुचाकी चोरली. हें सगळें सीसीटीव्ही फुटेजींत कैद जालें. उपरांत हेच सीसीटीव्ही फुटेजी वरवीं मडगांव पुलिसांनी दोन नेण्ट्या भुरग्यांक ताब्यांत घेतलां. ताचे कडल्यान चोरयेची दुचाकीय जप्त केली.हे विशीं मेळिल्ले चड म्हायती प्रमाण, कोलमोरोड नावेली वाठारांत पार्कींग केल्ली हिरो सीडी डावन मोटारसायकल अनवळखी दुबावितांनी चोरी केल्ली. दुचाकी चोरी जाले उपरांत सीसीटीव्ही फुटेज तपासणी केले उपरांत दोगांनी चोरी केल्ल्याचे समजलें. ह्या पुराव्याच्या आधाराचेर मडगांव पुलिसांनी दोगां नेण्ट्या भुरग्यांक ताब्यांत घेतल्या. चवकशे वेळार तांचे कडल्यान चोरयेची दुचाकीय जप्त केल्या.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
