भांगरभूंय | प्रतिनिधी
नावेली स्पोर्टींग क्लबान सर्गेस्त आफोन्सो आगियर यादस्तीक आंतरगांव फुटबॉल सर्तीचें वस्तादपण जोडलें. फायनलींत ताणें फातोड्डेंच्या डॉन बॉस्को ऑरेटरीक 2-1 असो हारयलो. कुंकळ्ळी युनियनान सर्तीचें आयोजन केल्लें.
नावेली स्पोर्टींग क्लबा वतीन प्रॅस्टली गोम्स आनी रोनाल्डो परेरा हांणी गोल केले. जाल्यार डॉन बॉस्को ऑरेटरी वतीन जॉएल कामारान केलो.
इनामां भेटवण सुवाळ्याक खेळां आनी युवा वेव्हार संचालक रोहित कदम मुखेल सोयरे म्हणून उपस्थीत आशिल्ले. तशेंच कुंकळ्ळी नगरपालिकेचे नगराध्यक्ष डॉ. लक्ष्मण नायक लेगीत उपस्थीत आशिल्ले.
नावेली स्पोर्टींग क्लबाक 50 हजाराचें इनाम आनी करंड फावो जालो, जाल्यार डॉन बॉस्को ऑरेटरीक 40 हजार आनी करंड फावो जालो.
वैयक्तीक इनामांः रोनार्डो परेरा (नावेली स्पोर्टींग क्लब, फायनलींतलो खेळगडो आनी मिडफिल्डर), जोसेफ गोम्स (नावेली स्पोर्टींग क्लब, उत्कृश्ट डिफॅण्डर), प्रेस्टली गोम्स (नावेली स्पोर्टींग क्लब, उत्कृश्ट स्ट्रायकर), जीत गुप्ता (नावेली स्पोर्टींग क्लब, उत्कृश्ट गोलकीपर), उगें रायझींग (शिस्तीचो क्लब).
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
