भांगरभूंय | प्रतिनिधी
भांगरभूंय। प्रतिनिधी
दिवचलः दिवचल तालुक्यांतल्या नार्वें गांवकारवाडो हांगच्या पिळर्णकार घराब्यांची कुळदेवी शांतादुर्गा पिळर्णकरीण देवीचो वर्सुकी कालो आयतार 24 डिसेंबराक जातलो.
त्या निमतान सकाळी देवीची विधीवत पूजा, अभिशेक, होम, धर्मीक विधी उपरांत म्हाआरत्यो आनी म्हाप्रसाद जातलो.
दनपारां रत्नागिरींतल्या पिळर्णकार भावांचे भजन, ल्हान भुरगांचो गुण गौरव, खेळ कार्यावळी जाल्या उपरांत सांजे संगीत भजन, पुराण वाचन, ओटी भरप, हळदीकुंकू जातलो. देवीचो कौल घेंवन रातया मुखेल कालोत्सव सुरू जातलो. पावणी उपरांत नटरंग क्रियेशन्स नार्वे, दिवचल वतीन रायगडाला जेव्हा जाग येते ह्या इतिहासीक नाटकाचो प्रयोग जातलो. 25 डिसेंबराक देवस्थानांत देवीची पूजा, अभिशेक जातलो. पिळर्णकार घराब्यांनी आनी भाविकांनी काल्याक हाजीर रावचं अशें देवस्थान समितीन मागलां.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
