भांगरभूंय | प्रतिनिधी
भांगरभूंय । प्रतिनिधी
म्हापशेंः नादोडा हांगच्या श्री माऊली भूतनाथ पंचायतनाचो पयलो वर्धापन दीस 10 तें 14 मे मजगतीं धर्मीक आनी सांस्कृतीक कार्यावळींनी मनयतले. बुधवार 10 मेक सकाळी धर्मीक विधी, दनपारां म्हाप्रसाद आनी दनपारां 1.30 वरांचेर माऊलीची गांवांत वाजतगाजत मिरवणूक काडटले.
बिरेस्तार 11 मेक सकाळीं 9 वरांचेर नवचंडी, हवन, सकाळीं 10 वरांचेर सुवासिनी खातीर कुंकुमार्चन दनपारां 12 वरांचेर म्हाप्रसाद आनी रातीं 8 वरांचेर राष्ट्रोळी हौशी नाट्य मंडळ, माडांत आनी अभिवन पणजी वतीन अॅक्चूअली हांव तुजेंच व्हो कोंकणी नाट्य प्रयोग जातलो. शुक्रार 12 मेक सकाळी अभिशेक आनी रातीं 8 वरांचेर श्री राष्ट्रोळी हितवर्धक मंडळ, राणेचें जुवें, नादोडे वतीन हय सायबा हें कोंकणी नाटक जातलें. शेनवार 13 मेक देव भूतनाथ देवळांत सकाळीं 9 वरांचेर धर्मीक विधी उपरांत म्हाप्रसाद आनी रातीं 8 वरांचेर गोपाळ दत्ता गांवस पुरस्कृत कलामंच मयडे हांचे आपा लिपा व्हो कोंकणी नाट्य प्रयोग जातलो.
आयतार 14 मेक सकाळी माऊली देवळांत अभिशेख आनी रातीं 8 वरांचेर सीताराम कृष्णा देसाय यादस्तीक अॅड सिद्धेश सीताराम देसाय पुरस्कृत स्वर संध्या ही कार्यावळ जावंन उत्सवाचो समारोप जातलो. पयल्या वर्धापन दीस कार्यावळींक भाविकांनी व्हडा संख्येन हाजीर रावचें अशें देवस्थान समितीन मागलां.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
