भांगरभूंय | प्रतिनिधी
मडगांवः दक्षीण रेल्वेच्या समन्वयान रेल्वे प्रशासनान नाताळ आनी नव्या वर्साचे फांटभूंयेर कोंकण रेल्वे मार्गाचेर प्रवाशांची गर्दी उणी करपाचो म्हत्वाचो निर्णय घेतला. ते खातीर नागरकोयल जंक्शन – मडगांव जंक्शन – नागरकोयल जंक्शन एक्सप्रेस विशेश रेल्वे चलोवपाचो निर्णय घेतला.
विशेश गाडयांचें वेळापत्रक अशें आसा:
रेल्वे क्रमांक 06083 (नागरकोयल जंक्शन – मडगांव जंक्शन एक्सप्रेस स्पेशल) ही ट्रेन 23 डिसेंबर 2025 ते 6 जानेवारी 2026 मेरेन दर मंगळारा रातच्या 11.40 वरांचेर नागरकोयल जंक्शना वयल्यान सुटतली आनी दुसऱ्या दिसा सकाळीं 8.50 वरांचेर मडगांव जंक्शनाचेर पावतली.
रेल्वे क्रमांक 06084 (मडगांव जंक्शन – नागरकोयल जंक्शन एक्सप्रेस स्पेशल) ही ट्रेन 24 डिसेंबर 2025 ते 7 जानेवारी 2026 मेरेन दर बुधवारा सकाळीं 10.15 वरांचेर मडगांव जंक्शना वयल्यान सुटतली आनी दुसऱ्या दिसा रातच्या 11 वरांचेर नागरकोयल जंक्शनाचेर पावतली.
ही विशेश ट्रेन 21 डब्यांची आसा. ही ट्रेन एरनिएल, कुलितुराय, तिरुवनंतपुरम सेंट्रल, कोल्लम जंक्शन, कयानकुलम जंक्शन, मावेलीकारा, चेंगन्नूर, तिरुवल्ला, चांगनासेरी, कोट्टायम, एर्नाकुलम टाऊन, अलुवा, थ्रिसूर जंक्शन, शोरानूर जंक्शन हांगा रावतली. तशेंच, कोझिकोडे, वडाकारा, थलासेरी, कन्नूर, कासारगोड, मंगळुरु जंक्शन, सुरतकल, उडुपी, कुंदापुरा, मुकांबिका रोड बाइंदूर, मुर्डेश्वर, कुमठा आनी कारवार स्टेशनांचेर रावतली.
प्रवाशांनी हे विशेश रेल्वे सेवांचो लाव घेवपाचो उलो कोंकण रेल्वेन केलां. चड म्हायती खातीर प्रवाशांनी कोंकण रेल्वेच्या अधिकृत संकेतथळाक भेट दिवची.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
