भांगरभूंय | प्रतिनिधी
पणजी: उत्तर गोंय जिल्हो न्यायदंडाधिकार्यान नातालां आनी नव्या वर्सा निमतान कळंगूट आनी बागा पंचायत वाठारांतल्या रस्त्यांचेर जावपी येरादारीचे गर्दीचेर नियंत्रण दवरपा खातीर सगळे तरेच्या वाहन पार्किंगा खातीर तात्पुरती वेवस्था केल्या. कळंगूट पंचायत वाठारांत सेंट आलेक्स चर्ची सामकार, फार फिश रेस्टोरंटा लागसारा, बोडके वडाकडे, पोरबोवाडो, पोरयात क्रॉसा लागसारा आनी बागा टोंकार पार्कींग वेवस्था आसतली. ही पार्कींग वेवस्था मे 2023 मेरेनच्या काळा खातीर आसतली.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
