भांगरभूंय | प्रतिनिधी
पणजी: कला आनी संस्कृती संचालनालयान नाताला निमतान संस्थां/पंगड आनी वैयक्तीक/घरगुती अशा दोन गटां खातीर २६ डिसेंबर २०२५ ते २ जानेवारी २०२६ मेरेन राज्य पांवड्याचेर गोठो सजावट सर्तीचें आयोजन केला. गोंयांत गोठो सजावटीची परंपरा तिगोवन दवरपा खातीर दर वर्सा खात्या वतीन अशी सर्त आयोजीत करपांत येता.
संस्थां/पंगड गट सर्ती खातीर पयले ४०,०००/- रूपयां, दुसरे ३५,०००/- रूपया आनी तिसरें ३०,०००/- रूपया, चौथे २५,०००/- रूपया आनी पाचवें २०,०००/- रूपयांचे इनाम आसतले. तशेंच उमेद वाडोवपी प्रत्येकी १५,०००/- रूपयांची पाच इनामां आसतली.
वैयक्तीक/घरगुती गटाखातीर पयले २५,०००/- रूपया, दुसरे २०,०००/- रूपया, तिसरे १५,०००/- रूपया, चौथे १२,०००/- रूपया आनी पाचवे १०,०००/- रूपयांचे इनाम आसतले. तशेंच उमेद वाडोवपी प्रत्येकी ७,०००/- रूपयांची पांच इनामां आसतलीं.
सर्तीचे अर्ज ४ डिसेंबर २०२५ सावन कला आनी संस्कृती संचालनालय, संस्कृती भवन , पाटो पणजी, रवींद्र भवन, मडगांव, रवींद्र भवन, कुडचडें, रवींद्र भवन, बायणा वास्को, रवींद्र भवन, सांखळे, रवींद्र भवन, काणकोण आनी राजीव गांधी कला मंदीर, फोंडों हांगा उपलब्ध आसतले. तशेंच खात्याचे www.artandculture.goa.gov.in. ह्या वेबसायटीचेर उपलब्ध आसतले.
पुराय भरिल्ले अर्ज १८ डिसेंबर मेरेन कार्यालयीन वेळेंत सुपूर्द करपाक जाय. उसरा आयिल्ल्या अर्जांचो विचार जावचो ना.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
