भांगरभूंय | प्रतिनिधी
मडगांव : नातलां, नव्या वर्साक येवकार दिवपाक गोंयांत वा हेर कडेन वचपी, येवपी प्रवाशां खातीर कोकण रेल्वेन कांय खास गाडयो सोडल्यात. टिळक टर्मिनस – मडगांव – टिळक टर्मिनस (दैनिक) आनी रेवा – मडगांव जंक्शन – रेवा (सप्तकी) एक्सप्रेस ह्यो गाडयो सोडटात. प्रवाशांची वाडत वचपी गर्दी उणी करपाक आनीक विशेश गाडयो चलोवपाचो निर्णय घेतला.
गाडी नंबर ०११४९ -लोकमान्य टिळक (टी) – करमळी विशेश (दैनिक) लोकमान्य टिळक (टी) हांगच्यान २३ डिसेंबर ते ३१ डिसेंबर मेरेन सदांच १५:३० वरांचेर सुट्टली. गाडी दुसर्या दिसा ५.३० वरांचेर करमळे पावतली.
गाडी नंबर ०११५० करमळी – लोकमान्य टिळक (टी) विशेश (दैनिक) करमळेच्यान २४ डिसेंबर २०२४ ते १ जानेवारी २०२५ मेरेन सदांच ०६.४५ वरांचेर सुट्टली. ट्रेन लोकमान्य टिळक (टी) हांगा त्याच दिसा २२.१५ वरांचेर पावतली. ही २२ डब्यांची गाडी ठाणे, पनवेल, पेण, रोहा, माणगाव, खेड, चिपळूण, संगमेश्वर रोड, रत्नागिरी, राजापूर रोड, वैभववाडी रोड, कणकवली, सिंधुदुर्ग, कुडाळ, सावंतवाडी रोड आनी थिवी स्टेशनाचेर रावतली. ह्या गाडयांचें बुकींग २१ डिसेंबर सावन सुरू जातलें.
गाडी नंबर ०१७०३ रेवा – मडगांव जंक्शन सप्तकी एक्सप्रेस स्पेशल आयतारा २२ डिसेंबर आनी २९ डिसेंबर दिसा रेवा हांगच्यान १२ वरांचेर सुट्टली आनी दुसर्या दिसा २१.२५ वरांचेर माडगांवां पावतली. गाडी क्रमांक ०१७०४ मडगांव जंक्शन – रेवा सप्तकी एक्सप्रेस स्पेशल मडगांव जंक्शन हांगच्यान सोमार २३ डिसेंबर ते ३० डिसेंबर दिसा २२.२५ वरांचेर सुट्टली आनी तिसर्या दिसा ०८.२० वरांचेर रेवा हांगा पावतली. ही २४ डब्यांची गाडी सतना, मैहर, कटनी, जबलपूर जंक्शन, नरसिंगपूर, पिपरिया, इटारसी जंक्शन, हरदा, खांडवा जंक्शन, भुसावळ, जळगाव, मनमाड जंक्शन, नाशिक रोड, कल्याण जंक्शन, पनवेल, रोहा, चिपळूण, रत्नागिरी, कणकवली, कुडाळ, सावंतवाडी रोड, थिवी आनी करमळे स्टेशनाचेर रावतली.
ह्या गाडयाच्या थारपाच्या वेळा खातीर www.enquiry.indianrail.gov.in हे वेबसायटीक भेट दियात वा एनटीईएस ऍप डावनलोड करात.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
