भांगरभूंय | प्रतिनिधी
दत्ताराम कामत बांबोळकार : बांदोड्यां रंगकर्मींचो सत्कार
भांगरभूंय । प्रतिनिधी
फोंडें : नाट्यकला ही संवसाराचे निर्मिती वांगडाच अस्तित्वांत आयिल्ली मोलादीक अशी दैवी संकल्पना आसा. मानवी संस्कृतीचो इतिहास पळयत जाल्यार तें सिद्ध जाता, अशें नाट्यलेखक दत्ताराम कामत बांबोळकार हांणी सांगलें.
मराठी रंगभुमी दिसा निमतान सम्राट क्लब कपिलेश्वरी वतीन स्नेह मंदीर, बांदोड्यां उमेश नायक आनी राजश्री गावणेंकार ठाकूर ह्या नाट्य कलाकारांचो सत्कार सुवाळो आयोजीत केल्लो. ह्या सुवाळ्यांत बांबोळकार मुखेल सोयरे म्हूण उलयताले.
ह्या वेळार माचयेर मानाची सोयरी म्हूण स्नेह मंदीर संस्थेची वेवस्थापक सुमन सामंत, सम्राट क्लबाची अध्यक्ष शर्मिला प्रभुदेसाय, सचीव सचीन प्रभुदेसाय, भांडारी रत्नदीप नायक तशेंच कार्यकारी अध्यक्ष राजेंद्र कारेकार हाजीर आशिल्ले. तशेंच सांस्कृतीक आनी समाजीक वावुरपी ममता बदामी, सम्राटचे संस्थापक अध्यक्ष दिवाकर शिंक्रे, सुधाकर नागेशकार, आदले अध्यक्ष प्रशांत चिमुलकार, निलेश नायक हे पदाधिकारी हे कार्यावळीक हाजीर राविल्ले. शर्मिला प्रभुदेसाय हांणी येवकार दिलो. प्रिया नायक हांणी सुत्रसंचालन केलें जाल्यार सचीन प्रभुदेसाय हांणी उपकार मानले. कार्यावळीचे निमाणे कडेन दीपसागर नायक हांच्या कवितांचें वाचन जालें.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
