नागपूर ते गोंयाक जोडपी शक्तीपीठ महामार्गाक निमाणें महाराष्ट्र सरकाराची मान्यताय

भांगरभूंय | प्रतिनिधी

नागपूर, खबरां संस्था: नागपूर ते गोंयाक जोडपी शक्तीपीठ महामार्गाक निमाणें महाराष्ट्र सरकारान २४ जुनाक मान्यताय दिली. ह्या महामार्गा खातीर लोकां कडल्या जमनी संपादन करपाचो आदेश सरकारान जारी केला. ह्या सगल्या प्रकल्पां खातीर २० हजार कोटी रुपयांची तरतूद केल्या. हो महार्गा वर्धा जिल्ह्यांतल्या पवनार शारांतल्यान सुरू जावन गोंयचे पत्रादेवी शिमेक जोडटले. ह्या महामार्गाक लागून महाराष्ट्रांतलीं साडेतीन शक्तिपीठां, दोन ज्योतिर्लींगां आनी पंढरपूर, अंबेजोगाई सयत १८ तिर्थक्षेत्रां जोडटले.
महाराष्ट्र सरकारान शक्तिपीठ महामार्गाच्या भूसंपादना खातीर २० हजार कोटी रुपयांचे तरतूदीला मंगळारा (ता.२४) मान्यताय दिली. हाका लागून शक्तिपीठ महामार्गाच्या प्रकल्पांची भूसंपादनाची तयारी सुरू जाल्या. भूसंपादनाच्या उणावाक लागून एकूय प्रकल्प आडकून उरचो ना हे संबंदीत सगल्या यंत्रणांनी लक्षांत घेवचें, अशी खर सुचवणी ह्या वेळार मुख्यमंत्री देवेंद्र फडणवीस हांणी केली.

मुख्यमंत्री देवेंद्र फडणवीस हांणी रस्ते, महामहामार्गा खातीर निधीची तरतूद करपाचे निर्देश वित्त विभागाक दिल्ले. हे फाटभूंयेर राज्याचे मुख्यमंत्री देवेंद्र फडणवीस हांचे अध्यक्षतेखाला मंगळार (ता. २४) मंत्रिमंडळाची बसका जाली. हे बसकेक उपमुख्यमंत्री अजित पवार आनी उपमुख्यमंत्री एकनाथ शिंदे हांचे सयत विवीध खात्याचे मंत्री हजर आशिल्ले. शक्तिपीठ महामार्गाक विवीध सुवातांचेर शेतकारांचो विरोध आसा. विधीमंडळांत विरोधी पक्षाकडल्यान ह्या महामार्गा आड भुमिका घेतली. मात राज्यांतलीं साडेतीन शक्तिपीठ जोडपी हो महामार्ग महाराष्ट्राचे उदरगती खातीर गरजेचो, अशी भुमिका मुख्यमंत्री देवेंद्र फडणवीस हांणी घेतली.