भांगरभूंय | प्रतिनिधी
नागपूर, खबरां संस्था: नागपूर जिल्ह्यांतल्या उमरेड एमआयडीसींत ॲल्युमिनियम फॉयल करपी कंपनीक उजो लागलो. ह्या स्फोटांत पांच जाणांक मरण आयिल्ल्याची घडणूक मुखार आयली. जाल्यार जखमींचेर नागपूरच्या सरकारी हॉस्पिटलांत उपचार सुरू आसात.
उमरेडच्या ॲल्युमिनियम फॉयल करपी कारखान्यांत जाल्ल्या ह्या स्फोटांत पांच जाणांक मरण आयलें. दोगांक उपचारा मजगतीं हॉस्पिटलांत मरण आयलें. हे घडणुकेंत बेपत्ता आशिल्ल्या ती जाणांच्या मरणाची पुश्टी जाल्या, अशी म्हायती ग्रामीणचे एसपी हर्ष पोतदार हांणी दिली.
हातूंत सुरवातेक स जाण जखमी जाल्ले. तांतल्या दोगांची भलायकी सामकी गंभीर आशिल्ली. तांकां उपचारा मजगतीं मरण आयलें. हेर जखमींक नागपूर हांगच्या शासकीय वैजकी महाविद्याल आनी हॉस्पिटल हालयले. पुलीस घडणुके सुवातेर दाखल जाल्यात. उमरेडचे पुलीस निरीक्षक धनाजी जलक फुडलो तपास करतात.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
