भांगरभूंय | प्रतिनिधी
नागपूर, खबरां संस्था : नागपूरच्या मौदा शारांत घडिल्ले एके भिरांकूळ घडणुकेंत एका रस्ताद सुण्यान तीन वर्सां पिरायेच्या चल्याचेर हल्लो केलो. ह्या हल्ल्यांत गंभीर जखमी जाल्ल्या चल्याक उपचारा वेळार मरण आयलें. ताका लागून पुराय शारांत भंयाचें वातावरण निर्माण जालां.
पुराय देशांत रस्ताद सुणी घांस मारपाच्यो जायत्यो घडणुको घडल्यात. ल्हान भुरगीं खेळटना तांचेर हीं सुणीं हल्लो करतात, अशें दिसून आयलां. नागपूरांत घडिल्ली ही अशीच घडणूक.
मौदा शारांत रावपी शहाणे कुटुंबांतलो तीन वर्सां पिरायेचो चलो वंश अंकुश शहाणे घरा भायर खेळटालो. रस्त्यार भोंवपी रस्ताद सुण्यान ताचेर हल्लो करून मानेचे आनी हाताचे कुडके काडले आनी तो गंभीर जखमी जालो. ताका रोखडोच मौदाच्या हॉस्पिटलांत व्हेलो. उपचारा वेळार ताका मरण आयलें. ही घडणूक मंगळारा सांजेवेळार घडली.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
