भांगरभूंय | प्रतिनिधी
नवी दिल्ली, खबरां संस्था: भारतीय रेल्वेचें नवें वेळापत्रक आतां १ जानेवारी २०२५ सावन लागू जातलें. हाचे वरवीं जायत्या गाडयांच्या वेळांत बदल करतले. तशेंच जायत्या गाडयांचे आंकडेय बदलतले.
आदीं हो बदल दर वर्सा ३० जुनाक जातालो आनी तो १ जुलय सावन लागू करताले. मात ह्या वेळार रेल्वे नव्या वर्सा निमतान वेळापत्रकांत बदल केला. ‘ट्रेन्स एट अ ग्लान्स’ (TAG) ची ही ४४वी आवृत्ती. रेल्वे मंत्रालय २०२५त नमो भारत रॅपिड रेल (वंदे मेट्रो), दोन अमृत भारत एक्सप्रेस गाडयो आनी सगळ्यो १३६ वंदे भारत एक्सप्रेस गाडयो सुरू करपाची येवजण राबयता.
२०२४ त ६४ वंदे भारत ट्रेनी सुरू जाल्यो. २६ डिसेंबर २०२४ मेरेन भारतीय रेल्वे नेटवर्काचेर वट्ट १३६ वंदे भारत ट्रेन सेवा धांवतात. २०२५ त रेल्वेक आर्टिफिशियल इंटेलिजन्सान सुसज्ज करपाचो यत्न करतले. महाकुंभांत १३ हजार गाडयो धांवतल्यो.
रेल्वेमंत्री अश्विनी वैष्णव हांणी दिल्ले म्हायती प्रमाण, महाकुंभा खातीर १३,००० गाडयो चुतल्यो, जातूंत ३,००० विशेश फेअर गाडयांचो आसपाव आसतलो. ह्या महाकुंभांत ४५ कोटी भावीक वांटेकार जातले, तांतले १० कोटी रेल्वेन प्रवास करतले असो अदमास आसा.
भारतीय रेल्वे महाकुंभ मजगतीं १ लाख प्रवाशांच्या मुक्कामाचीय वेवस्था करतात. हाचे खातीर आयआरसीटीसीन त्रिवेणी संगमा लागसारा महाकुंभ ग्राम हें लक्झरी टेंट सिटी केलां. १० जानेवारी ते २८ फेब्रुवारी ह्या काळांत महाकुंभ ग्राम हांगा रावपाक ऑनलायन बुकींग सुरू आसा. आयआरसीटीसीच्या वेबसायटीचेर वचून बुकींग सहज करतात.
महाकुंभांत ४५ कोटी भावीक वाटेकार जातले. तातुंतल्यान १० कोटी रेल्वेन प्रवास करतले. महाकुंभांत ४५ कोटी भावीक वाटेकार जावपाचे आशिल्ल्यान तांतले १० कोटी रेल्वेन प्रवास करतले.
‘ट्रेन्स एट अ ग्लान्स’ म्हळ्यार कितें?
‘ट्रेन्स एट अ ग्लान्स’त भारतीय रेल्वेच्या गाडयां विशीं म्हायती आसता. हातूंत दोन स्टेशनां मजगतीं धांवपी गाडयो, वेळ आनी भाडें हाचे सयत जायती म्हायती उपलब्ध आसा. ट्रेन क्रमांक आनी नावांची वळेरी. आरक्षण, येवजण, रिफंड पॉलिसी आनी तिकिटांचेर सवलतीं कडेन संबंदीत म्हायती आसा.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
