भांगरभूंय | प्रतिनिधी
वर्स सुरू जाता तशें कांय जाण जिमांत वचपाचो, नवी गाडी घेवपाक तशेंच जायते संकल्प करतात. पूण जर तुमी नव्या वर्सा ल्हानसो वेवसाय करपाचो विचार करतात आनी गुंतवणूक करप तुमकां व्हड आडखळ थारता जाल्यार ही बातमी वाचात. तुमकां आमी आयज एक ल्हानसो वेवसाय कसो सुरू करूं येता हें सांगतात.
योग शिकोवप
तुम्ही सोसायटींत जर रावतात जाल्यार ही कल्पना तुमचे खातीर उपेगी थारतली. जायत्यो अश्यो सोसायटी आसात जंय योग क्लासी नात. तुमकां जाय जाल्यार तुमी लागसारच्या गार्डनांत योग शिकोवपाक शकतात. जर तुमकां योग खबर ना जाल्यार तुमी कांय दीस ऑनलायन शिकून योग शिकोवपाक सुरवात करपाक शकता. खर्चा विशीं उलोवचें जाल्यार तुमकां फकत एक शेंदरी विकती घेवं येता, जाचें मोल ५०० ते १,००० रुपया आसतलें. मागीर तुमकां सदांच सकाळीं उठून सोसायटींत स्वताच योग अभ्यास सुरू करचो पडटलो. मागीर योगाचे फायदे लोकांक ल्हव ल्हव पटोवन दिवचे पडटले. जर तुमी योगा खातीर दर म्हयने ५०० रुपया घेतले आनी ५० लोक तुमचे कडेन आयल्यार तुमी हातूंतल्यान दर म्हयन्याक २५ हजार रुपया जोडपाक शकता. जर तुमी सकाळीं आनी सांजेवेळार योग क्लासी घेवपाचो निर्णय घेतल्यार म्हयन्याक तुमी ५० हजार रुपया जोडपाक शकतात.
डिजिटल मार्केटिंग
जर तुमी पुराय दीस सोशल मिडियाचेर स्वताक व्यस्त दवरतात जाल्यार तुमकां थंयसरूय एका बिझनेसाची आयडिया आसा. तुमी सोशल मिडिया मार्केटिंग वेवसाय सुरू करपाक शकता. ताचे खातीर तुमकां कांय म्हायती घेवची पडटली. आयच्या डिजिटल युगांत युट्युबाचेर सगळे तरेची म्हायती उपलब्ध आसा. Coursera आनी Udemyचेर, ते तुमकां एक ते दोन हजार रुपयांनी गरजेचें प्रमाणपत्र अभ्यासक्रम उपलब्ध करून दितात. तुमी थंयच्यान शिकपाक शकतात आनी घरा बसून काम सुरू करपाक शकतात. आजकाल देशांतले जायते लोक असलो वेवसाय करून म्हयन्याक ५० हजार ते एक लाख रुपया जोडटात.
यूट्यूबाचेर व्हिडिओ करात
जर तुमी यूट्यूबकडेन वेवसाय म्हणून पळयल्यार तुमी तांतल्यानूय जोडपाक शकतात. हाचे वरवी आयज करोडपती जाल्ले जायते क्रिएटर्स आसात. खर्चा विशीं उलोवचें म्हळ्यार तुमकां एक कॅमेरो, मायक आनी रिंग लायटीची गरज आसा. तशेंच तुमचो स्मार्ट फोन कॅमेराचें काम सुरू करपाक शकता. हेर दोन गजालीं खातीर तुमकां १-२ हजार रुपया खर्च येतलो. उपरांत तुमकां सदांच एक उत्कृश्ठ विशयाचेर व्हिडियो करचो पडटलो. मागीर जसो व्हिडिओ व्हायरल जातलो तशी तुमची जोड जातली.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
