भांगरभूंय | प्रतिनिधी
शिक्षक, पालकांचो बरो प्रतिसाद: शैलेश झिंगडे
पणजी : यत्ता ६, ७, ८, ९, १० आनी १२ च्या वर्गा खातीर नव्या शिक्षणीक वर्साची आयज अधिकृतपणान सुरवात जाली. ७ ते ३० एप्रील मेरेन सकाळीं ८ ते ११:३० ह्या वेळार वर्ग चलतले. उपरांत मे म्हयन्यांत सुटी आसतली. ३ जूनाक शाळा परत सुरू जातली. आयज राज्यभरच्या शाळांनी सकाळची प्रार्थना करून शिक्षणीक वर्साची सुरवात जाली.
मजगतीं, नवें शिक्षणीक वर्स सुरू करपाचो निर्णय हो पालकां कडेन कसलीच चर्चा करिनासतना घेतिल्ल्याचो दावो करून कांय पालकांनी पणजेच्या शिक्षण संचालनालया कडेन सरकारच्या धोरणां आड आंदोलन केलें.
हे विशीं, शिक्षण संचालक, शैलैश झिंगडे हांणी प्रतिक्रिया दिली. आयज पसून सुरू जाल्ल्या शिक्षणीक वर्साच्या पयल्याच दिसा शिक्षक आनी पालकां कडल्यान सकारात्मक प्रतिसाद मेळ्ळा अशें तांणी म्हणलें. राज्यांतल्या चडशा शाळांनी विद्यार्थ्यांची १०० टक्के हजेरी नोंद जाल्या. मात कांय जाणांनी शिक्षण संचालनालयांत येवन केल्लें आंदोलन बेकायदेशीर आशिल्ल्याचें तांणी म्हणलें.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
