नवें आधार ॲप लॉंच

भांगरभूंय | प्रतिनिधी

भारतीय विशीश्ट वळख प्राधिकरणान (यूआयडीएआय) नवें आधार ॲप लॉंच केलां. ले आहे. सध्या आधार आनी पोरणें ऍप एमआधार दोनूय काम करतलीं. नव्या ऍपांत मुखामळाची वळख, बायोमॅट्रीक लॉक आनी क्यूआर कोड-आदारीत शेअरिंगसारकी सुरक्षा विशिश्टां आसात. तें खंयसरूय केवायसी पडताळणीची परवानगी दिता. आदीं हो ऍप वापरप्यांक तांचें पुराय आधार कार्ड दाखोवचें पडटालें. मात ह्या ॲपांत वापरकर्ते खंयची म्हायती दाखोवची आनी खंयची लिपोवची हें निवडपाक शकतात. हाका लागून आधार कार्डची फिजिकल कॉपी वांगडा दवरपाची गरज पडची ना. ते अँड्रॉयड आनी आयओएस दोगांय खातीर उपलब्ध आसा.

नवो आधार ॲप सदांच आयडी दाखोवपा खातीर गरजेचो. एमआधार ॲप दस्तऐवज डावनलोड, कार्ड ऑर्डर आनी खातें अपडेट करपा खातीर आसा. दोनूय फुकट आसा आनी एकामेकांक पावतले अशें आसा. दोनूय ॲप एकाच वेळार चलोवपाक मेळटले. नव्या ॲपाची पुराय म्हायती यूआयडीएआय वरवीं १८ नोव्हेंबराक वेबिनार वरवीं शेअर करतले.

ॲप कशें डावनलोड आनी सेटअप कराचें
गुगल प्ले स्टोअर वा ॲपल ॲप स्टोअराचेर ‘आधार’ सोदात आनी ॲप डाउीनलोड करात.
ॲप उघडात, एक भास निवडात आनी तुमचो १२-अंकी आधार नंबर घालात.
आधार-लिंक केल्ल्या मोबायल नंबराचेर मेळिल्ल्या ओटीपी सयत अपडेट करात.
फेस ऑथेंटिकेशन करात, ६-अंकी सुरक्षा पिन सेट करात.

नवें ॲप आनी एमआधारांत फरक कितें ?
नवें आधार ॲप
तुमच्या फोनार डिजिटल आयडी दाखोवपाक
एकाच वेळा कुटुंबांतले ५ प्रोफायल दवरप शक्य.
नाम्या सारकी संवेदनशील म्हायती, गुप्त आनी नियंत्रित शेअरिंग.

पोरणें एमआधार ॲप
ई-आधार पीडीएफ डावनलोडा खातीर पीव्हीसी आधार कार्ड ऑर्डर खातीर १६-अंकी व्हर्च्युअल आयडी तयार करपा खातीर ईमेल आनी मोबायल नंबर अपडेट करपाक.

नव्या आधार ॲपांत नवें कितें?
बायोमेट्रिक सुरक्षा लॉक : आधार डेटाक बायोमेट्रिक्सान लॉक करपाक मेळटा.
गुपीतताय-पयलेंच शेअरिंग : फकत नांव आनी फोटो शेअर करूं येता, नामो वा जल्म तारीख गरजेप्रमाण लिपोवं येता.
क्यूआर कोड तपासणी : आधार क्यूआर कोड कागदा बगर आनी रोखडेंच तपासणी करपाक परवानगी दिता.
वापर इतिहास : ॲपांत आधार केन्ना आनी खंय वापरले हेंय दखयतले.
ऑफलायन मोड प्रवेश : सुरवातेच्या सेटपा उपरांत तुमी इंटरनेट कनेक्शना बगर तुमी सांबाळिल्लो आधार तपशील पळोवपाक शकतात.
एका परस चड प्रोफायल वेवस्थापन : एकाच फोनांत कुटुंबांतले ५ आधार प्रोफायल लिंक करपाक शकतात.