भांगरभूंय | प्रतिनिधी
नवी दिल्ली : बीएमडब्ल्यू इंडियान नवी बीएमडब्ल्यू 5 सिरीज लांब व्हीलबेस मोटार लाँच केल्या. भारतभर बीएमडब्ल्यू डिलरांकडेन, तशेंच www.bmw.in ह्या व्हॅबसायटीचेर गाडी बुक करूं येता. सप्टेंबर 2024 सावन गाडयांनी डिलिव्हरी सुरू जातली.
बीएमडब्ल्यू 5 सिरीज ही बीएमडब्ल्यू ब्रँडाच्या काळजाच्या सुवाचेर आसा. संवसारीक पांवड्यार बाजारपेठेंत अव्वल आशिल्ल्या सेडान विभागांत फाटल्या कितल्याश्याच वर्सां सावन बीएमडब्ल्यूचो शेक आसा. बीएमडब्ल्यू सगल्यांत पयलीं 1972 वर्सां सुरू जाल्ली तेन्नासावन आतांमेरेन 100 लाख 5 सीरीज मोटारी विकल्यात.
संवसारांतल्या सगल्यांत यशस्वी वेवसायीक सेडानाची आठवी पिळगी पयलीं परस चड गतिमान आसा, तातूंत डिजिटल नवनिर्मणेची संपत्ती आसा.
बीएमडब्ल्यू ग्रुप इंडियाचे अध्यक्ष आनी सीईओ विक्रम पावाह हांणी सांगलें, “नवी बीएमडब्ल्यू 5 सिरीज लाँग व्हीलबेस चड आरामदायक, अत्याधुनीक डिजिटल आनी चड गतिशील आसा.
ऑल-न्यू बीएमडब्ल्यू 5 सिरीज लाँग व्हीलबेस भारतांत पदार्पण करता आनी तातूंत अतुलनीय सुवात आसा आनी लक्झरी सुशेग आसा. उत्कृश्ट तंत्रीक कुशळटाय आनी स्पोर्टी अशी ही गाडी आसा. सोबीत डिझायन आनी हॉलमार्क ड्रायव्हिंगाची खोशी ह्या गाडयेंतल्यान मेळटा.
उजव्या वटेच्यान गाडी चलोवपी बाजारपेठेंत भारत हो पयलो देश आसा जंय ऑल न्यू 5चो लाँग व्हील बेज अवतार मुखार येता. भारतांत आमच्या प्रिमीयम गिरायकांच्या गरजां प्रमाण ही गाडी तयार केल्या. खंयच्याय वेळात, वेवसायीक वा वैयक्तिक, शारी वा लांब पल्ल्याच्या प्रवासांत ही गाडी सोबीतकाय आनी विसव दिता.”
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
