भांगरभूंय | प्रतिनिधी
हरमल दुर्वांकूर कला केंद्रान आयोजीत केल्ली सर्त
हरमल: दुर्वांकूर कला केंद्रान आयोजीत केल्ल्या, हरमल ग्रामपंचायत मर्यादीत 16 व्या नरकासूर वध, आकाशदिवो आनी श्रीकृष्ण वेशभुशा सर्तींत बरो प्रतिसाद मेळ्ळो. ही सर्त पार्सेकार म्हाविद्यालयाच्या मैदानार जाली.
नरकासूर वध सर्तींत पयलें साई स्पोर्टस क्लब, भटवाडी, दुसरें राष्ट्रोळी क्लब युवक संघ, वयलो वाडो आनी तिसरें भुमिका बॉयज, देवूळवाडो जाल्यार यंग बॉयज, मदलोवाडो आनी राष्ट्रोळी रायझर्स, सकयलोवाडो हांकां भेटयलें.
आकाशदिवो सर्तींत पयलें कु. प्रतीक्षा नायक, दुसरें शंखनाथ नायक, तिसरें शेखर कोरकणकार जाल्यार स्वाती उमेश नायक आनी सुनील कोरकणकार हांकां उमेद वाडोवपी इनामां भेटयलीं.
श्रीकृष्ण वेशभूषा सर्तींत पयलें कु. कार्तीक गावडे, दुसरें कु. पवन वस्त, तिसरें कु. पंकज शेटकार हांकां इनामां भेटयलीं. ही सर्त राघू गावडे, पंच वांगडी रजनी इब्रामपुरकार, पांडुरंग पार्सेकार, मुकेश पटेल आनी देविदास नायक हांणी पुरस्कृत केल्लीं.
इनामां भेटवण सुवाळ्यांत उपसरपंच दिव्या देवू गडेकार, पंच वांगडी रजनी इब्रामपुरकार, राजू गावडे, पांडुरंग पार्सेकार, संस्थेचे अध्यक्ष चंद्रहास दाभोलकार, भांडारी संजय नायक, वांगडी गुरुदास नानोस्कर, कृष्णा नायक, शशिकांत कोरकणकार, गोविंद परब हाजीर आशिल्ले.
सर्तीचें परिक्षण संजय म्हामल, सिद्धेश परब हांणी केलें. दुर्वांकुरचे अध्यक्ष चंद्रहास दाभोलकार हांणी संस्थेच्या कार्याचो नियाळ घेतलो. जाल्यार संस्थेचे सचीव अर्जून गडेकार हांणी येवकार दिलो आनी निकालाचें वाचन केलें. तशेंच तांणीच सुत्रसंचालन आनी उपकार मानले. वांगडी शशिकांत कोरणकार हांणी दिवाळेच्या उत्सवाची म्हायती आनी म्हत्व सांगलें.
ही सर्त येसस्वी करपा खातीर वांगडी रामचंद्र केरकार, आत्माराम कोरकणकार, दत्ताराम ठाकूर, शशिकांत कोरकणकार, दत्ताराम पार्सेकार, भरत वस्त बी हांणी खर कश्ट घेतले.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
