भांगरभूंय | प्रतिनिधी
काणकोणः उदकाची पायपलायन बदलचे खातीर चापोली ते नगर्से मेरेनचो रस्तो जेसीबी मशिनाच्या आदारान खणिल्लो. तो रस्तो खणिल्ल्यान रस्त्याच्या हेर भागांचेरूय फोंडकुलां पडिल्लीं. सुमार साडेतीन वर्सां उपरांत ह्या रस्त्याचेर हॉटमिक्स डांबरीकरण करपाच्या कामाक सुरवात केली. ह्या कामाक सुमार 1 कोटी रुपया खर्च येतलो.
तो रस्तो दुरुस्त करून दिवचो अशी थळावे नगरसेवक हेमंत नायक गांवकार नेमान मागणी करताले. ह्या रस्त्याचेर हॉटमिक्स डांबरीकरण करपाचे काम सुरू जाल्ल्यान आपल्या वॉर्डांतल्या लोकांची मागणी पुराय जाल्ल्यान आपल्याक उमेद जाल्या, अशें हेमंत नायक गांवकार हांणी सांगलें. रस्त्याच्या हॉटमिक्स डांबरीकरणाच्या वावराक नगराध्यक्ष रमाकांत नायक गांवकार हांचे हाजिरेंत थळावे ज्येश्ठ नागरीक नीळकंठ नायक गांवकार हांणी नाल्ल फोडून सुरवात केली. ह्या वेळार धीरज नायक गांवकार, नादीन फर्नांडीस, भाजपा मंडळ अध्यक्ष विशाल देसाय, सचीव दिवाकर पागी, विनय तुबकी, किशोर शेट, श्रीस्थळची सरपंच सेजल गांवकार, आनंदु देसाय, पंच गणेश गांवकार, मनुजा नायक गांवकार, महेश नायक, लक्ष्मीकांत शिरोडकार, गणाधीश नगर्सेकार, दामोदर देसाय, हरिश्चंद्र, सुवर्णा आनी हेर मानेस्त हाजीर आशिल्ले.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
