भांगरभूंय | प्रतिनिधी
विधानसभेंत लाव घेतिल्ल्यांचीं नांवां करतलों उक्तीं: विश्वजीत राणे
पणजी : नगरनियोजन कायद्यांतल्या कलम १७(२)चे तरतुदींचो विरोधी पक्षांतल्या कांय फुडार्यांनी लाव घेतला. विरोधी पक्ष फुडारी युरी आलेमाव हांकां हांव ल्हानपणा सावन वळखतां. १७(२) कलमाचो लाव घेतिल्ल्यांचीं नांवां विधानसभेंत उक्तीं करतलों. विधानसभा हीच नांवां सांगपाची योग्य सुवात, अशे नगरनियोजन खात्याचे मंत्री विश्वजीत राणे हांणी म्हणलें.
नगरनियोजन कायद्यांतलें कलम १७(२) हें योग्य कलम आसा. उच्च न्यायालयानूय तें उखलून धरलां. कलम ३९(ए) हेंय योग्य कलम आसा. कलम १७(२)त कायदेतज्ज्ञांच्या सल्ल्यान नेमान दुरुस्ती करतले.
कलम १७(२) विशीं उच्च न्यायालयान जो आदेश दिला, ताका स सप्तकां खातीर स्थगिती दिल्या. हाका लागून अभ्यास करून सर्वोच्च न्यायालयांत आव्हान दिवपाक सरकारा कडेन जायतो वेळ आसा. कायदेतज्ज्ञांच्या सल्ल्यान सर्वोच्च न्यायालयांत आव्हान दिवपा विशीं निर्णय घेतले, अशेंय तांणी म्हणलें.
भारतीय जनता पक्षांतले सर्वोच्च फुडारी आशिल्ल्यान ह्या विशयावेल्यान विरोधक म्हाका लक्ष्य करतात, असोय आरोप मंत्री विश्वजीत राणे हांणी पत्रकार परिशदेंत केलो.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
