भांगरभूंय | प्रतिनिधी
पलाम (झारखंड), खबरां संस्था: पलामूंतले पुलीस आनी नक्षलवाद्यां मदीं फारपेट जालो. हातूंत दोग पुलीस शहीद जाले. तांचीं नांवां संतन मेहता आनी सुनील राम अशीं आसात. एक जवान रोहित कुमार जखमी जाला. बुधवारा रातीं उसरां केदल रानांत हो फारपेट जालो.
मेळिल्ले म्हायती प्रमाण, १० लाखांचें इनाम आशिल्ल्या कमांडर शशिकांत गंजूचो ह्या वाठाराचेर शेक आसा. शशिकांत वाठारांत आशिल्ल्याची म्हायती पुलिसांक मेळिल्ली. नक्षलवादी पंगड थंय दहशत पातळावपाचीय शक्यताय आशिल्ली. हे म्हायतीच्या आदारार, बुधवारा सांजेवेळार ७ वरांचेर पुलीस सोद मोहिमे खातीर भायर सरले. त्या वाठारांत पावले तेन्ना नक्षलवाद्यांनी फारपेट सुरू केलो. उपरांत पुलिसांनीय तांकां जाप दिली. हातूंत कांय नक्षलवादी सोंपिल्ल्याचें कळटा. जाल्यार दोन पुलीस शहीद जाल्यात.
डीआयजी नौशाद आलम हांणी सांगलें की, जिल्लो पुलीस, आयआरबी आनी एसटीएफचे दोन पंगड सोद मोहिमे खातीर गेल्ले. सैनिकांचो आंकडो ५० आशिल्लो. जाल्यार नक्षलवाद्यांचो आंकडो सुमार १२ आशिल्ल्याचो अदमास आसा
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
