नंदा लोलयेंकार करंड सर्तींत आर्लेंम क्रिकेट क्लब जैतिवंत

भांगरभूंय | प्रतिनिधी

पणजी : माशें क्रिकेट क्लबा वतीन आयोजीत 42 वी नंदा लोलयेंकार करंड क्रिकेट सर्तींत आर्लेंम क्रिकेट क्लबान यंग स्टार्स ऑफ मोला पंगडाक 9 विकेटी राखून हार घाली. ही सर्त माशें, काणकोणच्या निराकार मैदानाचेर जाली.

मोला यंग स्टार्स पंगडान पयली टॉस जिखून बॅटींग करपाचो निर्णय घेतलो. तांणी 34.3 ओवरींनी 135 धांवड्यो केल्यो. हातूंत राजेश तुकादी हांणी 32 बॉलांनी 38 धांवड्यो केल्यो, अभिषेक सिंग हांणी 23 बॉलांनी 20 धांवड्यो, सागर वंतमुरी 19 बॉलांनी 25 धांवड्यो, जाल्यार सचीन कुलकर्णी हांणी 19 बॉलांनी 31 धांवड्यांचें योगदान दिले.

आर्लेंम क्लबा वतीन श्रीनिवास फडते 22 धांवड्यांनी 3 विकेटी, रोहीत नायकान 34 धांवड्यांनी 2 विकेटी घेतल्यो, जाल्यार मेहंक धारवाडकार, धीरज यादव, यश दुबे, राजन सरोज हांणी दरेकी 1 विकेट घेतली.

प्रत्युत्तरांत आर्लेम क्रिकेट क्लब पंगडान 1 विकेट वगडावन 16.2 ओवरींत मॅच जिखली. तांच्या वीर यादवान 42 बॉलांत 81 धांवड्यांची खेळी केली. जाल्यार रिजूल पाठक नाबाद 31 बॉलांनी 25 धांवड्यो केल्यो. राजशेखर हरिकांत हांणी नाबाद 23 बॉलांनी 20 धांवड्यो केल्यो. मोला यंग स्टार्स वतीन अभिनंदन ठाकूर हांणी 5 ओवरींनी 45 धांवड्यो दिवन 1 विकेट घेतली.