भांगरभूंय | प्रतिनिधी
श्रद्धा आमोणकारः भौशीक हळदकुकूमांत उलो
भांगरभूंय । प्रतिनिधी
वास्कोः बायलांनी दिसपट्टे जिणेंत येवपी साबार संकश्टांक फुडो करपाक तयार रावपाक जाय. जिणेंत ध्येय मेळोवपाचें आसत जाल्यार उंच उड्डाणां मारचीं, अशें नगरसेविका श्रद्धा संकल्प आमोणकार हांणी सांगलें.
गोंय क्षत्रीय मराठा समाज, महिला विभाग मुरगांव फांट्या वतीन भौशीक हळदकुकूम कार्यावळ आयोजीत केल्ली. हे कार्यावळींत आमोणकार मुखेल सोयरी म्हूण उलयताली. ह्या वेळार माचयेर मुखेल सोयरी म्हीण सुचोलना मालणकार, गोंय क्षत्रीय मराठा समाज केंद्रीय समितीचे अध्यक्ष पद्मनाभ आमोणकार, मुरगांव फांट्याचे अध्यक्ष प्रा. सुनील शेट, महिला विभाग अध्यक्ष अक्षदा वाडेकार, सल्लागार रेखाताई आमोणकार, सरचिटणीस वैशाली आमोणकार, भांडारी सुनिता फडते हाजीर आशिल्ली.
सुलोचना मालणकार हांणी आयोजकांक परबीं दिली. प्रा. शेट हांचेंय ह्या वेळार उलोवप जालें.
ह्या वेळार श्रद्धा आमोणकार आनी सुलोचना मालणकार हांचे हस्तुकीं मिलन जयकांत मालणकार आनी योगिता युवराज आमोणकार हांचो सत्कार केलो. अक्षदा वाडेकार हांणी येवकार दिलो. सुनयना शेट हांणी सुत्रसंचालन केलें. वैशाली आमोणकार हांणी उपकार मानले.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
