भांगरभूंय | प्रतिनिधी
पोरणो नेम कितें आसा?
आंतरराष्ट्रीय क्रिकेटींतल्यान निवृत्त जाल्ल्यार पांच वा ताचे परस चड वर्सां जाल्यात त्या खेळगड्यांक हो नेम अनकॅप्ड श्रेणींत दवरता. हो नेम आयपीएलाचे सुरवाती सावन म्हणल्यार 2008 ते 2021 मेरेन लागू आशिल्लो. उपरांत हो नेम काडलो. हाचें फाटलें मुखेल कारण म्हणल्यार खंयच्याय फ्रॅंचायजीन ह्या नेमाचो उपेग करूंक ना.
धोनी चेन्नयसुपरकिंग्साचो म्हत्वाचो खेळगडो
2008 सावन सुरू जाल्ले आयपीएला सावन महेंद्रसिंग धोनी हो चेन्नय सुपरकिंग्साचो म्हत्वाचो खेळगडो आसा. ताच्याच फुडारपणाखाला चेन्नय सुपरकिंग्सान पांच खेपे आयपीएलाचें वस्तादपण जोडलां. 2022त चेन्नय सुपरकिंग्सान 12 कोटी रुपया दिवन धोनीक आपल्या पंगडांत दवरिल्लो. अंदूं जाल्ले आयपीएलांत महेंद्रसिंग धोनी मुखेलपद सोडिल्लें.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
