भांगरभूंय | प्रतिनिधी
धोंपराच्या दुखण्याचो फकत आमी कशे चलतात हाचेर परिणाम जायना- आमी कशे जियेतात हाचेर ताचो परिणाम जाता. जायत्या जाणांक संधिवाताक लागून दिसपट्टीं कामां करतना वेदना जातात. चड काळ उबे रावल्यार वा सोपणां चडल्यार अस्वस्थताय येवंक शकता. पूण, हें दुयेंस बरें करपाची चड अचूक, सुरक्षीत पद्दत आसली जाल्यार कितें? रोबाॅटीक- असिस्टेड धोंपरा बदलपा विशीं चर्चा करुया, खास करून जॉन्सन अँड जॉन्सनाच्या VELYS रोबोटीक- असिस्टेड सोल्युशनाचेर.
पोरण्या रोबॉट प्रणालीं भशेन जीं भारदस्त आनी चड प्रमाणांत पडद्याचेर आदारून आसतात, मात VELYS हें सोंपें, सर्जन अनुकूल आसून ताका शस्त्रक्रिया पयलीं सीटी स्कॅन करपाची वा नेमान एक्स रे काडपाची गरज ना. हाका लागून तो बेगीन, परवडपी आनी गंभीर दुयेंतींक चड बऱ्याक पडटा.
रोबाॅटीक करवत वापरून हाडां अचूक कापपाची तांक आशिल्ल्यान VELYS हें वेगळें थारलां. जाका लागून पारंपरीक कापपाच्या उपकरणांची गरज ना. हें म्हत्वाचें कारण हाडां कापपाच्या सुक्ष्मतायेक लागून मोव टिश्यूंक उणें नुकसान जाता. देखून वेदना उणी जाता, बेगीन बरे जाता आनी शस्त्रक्रिया उपरांत गुंतागुंत उणी जाता.
ही पुराय प्रक्रिया दुयेंतीच्या सोयी खातीर तयार केल्या. टांके घालपाची गरज नाशिल्ल्यान- फक्त स्कीन ग्लू वापरतात -दुसऱ्या दिसा दुयेंतींक न्हावपाक मेळटा, आनी कांय वरां भितर तो चलपाक सुरवात करता. शस्त्रक्रिया करतना जावपी उण्यांत उण्या आघाताक लागून फिजियोथेरपीची गरज उणी जाता.
VELYS खऱ्या अर्थान शस्त्रक्रिया करप्याक खिणा भितर म्हायती आशिल्ले निर्णय घेवपाक मदत करता. उपरांत तो तुमच्या धोंपराचो नकासो ऑपरेशन मेजाचेर दवरता, जाका लागून कितेंय कापचे पयलीं स्क्रीन आदारीत इम्प्लांट आकार, सुवात आनी संरेखन करपाक आनी संभाव्य बदल करपाक दोतोराक मदत करता.
ह्या अत्याधुनीक तंत्रज्ञानाक लागून धोंपराचें दुखप आतां दीर्घकाळ उरपाची गरज ना. तुमची वेदना अस्थिसंधिवाक लागून आसूं वा वर्सांन वर्साची झीज आसूं, रोबॉट शस्त्रक्रिया केल्यार हालचाली आनी जिणेचो दर्जो पयलीं परस बेगीन परतून मेळूंक शकता.
थोड्याच उतरांनी सांगपाचें जाल्यार, VELYS च्या आदारान रोबोटीक धोंपरा बदलप ही फकत एक प्रक्रिया न्हय- हो वेदना मुक्त जिणेचो वैयक्तीक मार्ग आनी आमी बरे जावपाची पद्दत बदलपाक हांगा आसात.
– डॉ रोहन आर. देसाय,
सल्लागार- सर्जन, आर्थोपेडिक्स,
गोंय मणिपाल हॉस्पिटल.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
