भांगरभूंय | प्रतिनिधी
केरी- सत्तरीः राधाकृष्ण संगीत अकादमी हरवळें सांखळीचो सर्गेस्त धोंडू भिकू नायक यादस्तीक संगीत सुवाळो 9 फेब्रुवारीक सकाळीं 9.30 ते रातच्या 9.30 वरां मेरेन जातलो. सांखळेच्या शिवस्मृती खेडेकार सभाघरांत कला आनी संस्कृती खात्याच्या पालवान हो सुवाळो आयोजीत केला.
सकाळीं 9.30 वरांचेर उक्तावण सत्र जातलें. हे कार्यावळीक पद्मिनी फावंडेशनाची अध्यक्ष सुलक्षणा सावंत, खाशेले निमंत्रीत हरवळेंची सरपंच गौरवी गुरुप्रसाद नायक, उद्देजक शिवदास गांवस, उद्देजक चेतन सालेलकार, महालक्ष्मी फार्मसीचे धनी चंद्रकांत नारुलकार, कामाक्षी हार्डवेअरचे धनी रितेश नायक आनी समाज वावुरपी नरेश दातये हाजीर रावतले.
पयल्या सत्रांत सकाळीं 10.15 वरांचेर गुरुदास गांवकार हांचें गायन, 11 वरांचेर अमर मोपकार हांचें तबला वादन, 11.45 वरांचेर पं. चंद्रकांत नायक हांचें गायन जातलें.
दुसऱ्या सत्रांत दनपारां 3 वरांचेर अनुजा रामचंद्र नायक आनी अनुष्का रामचंद्र नायक हांचें सहगायन, 3.40 वरांचेर दिगंबर गांवस हांचें गायन, सांजेच्या 4.25 वरांचेर पं. रामेश्वर डांगे हांचें गायन, जाल्यार 5.20 वरांचेर स्वानंदी नायक हिचें गायन जातलें.
ते उपरांत सत्कार सुवाळो जातलो. ह्या सुवाळ्याक अध्यक्ष म्हूण मुख्यमंत्री डॉ. प्रमोद सावंत, मुखेल सोयरे म्हूण मयेंचे आमदार प्रेमेंद्र शेट, विशेश सोयरे म्हूण गोंय राज्य पुरस्कार प्राप्त ज्येश्ठ चित्रकार शिवानंद खेडेकार, विशेश निमंत्रीत म्हूण न्हावेलीचे पंच कालीदास अनंत गांवस, शास्त्रीय गायक पं. चंद्रकांत नायक, सुवाळो मुखेली राज मडगांवकार, संस्थेचे अध्यक्ष प्रा. संतोष मळीक, सचीव दत्ताराम माडकार, भांडारी अनील जल्मी हाजीर रावतले. ह्या सुवाळ्यांत तबला वादक यशवंत देविदास, हार्मोनियम वादक इंद्रजीत कुडणेंकार आनी भजनी कलाकार प्रेमानंद वेलिंगकार हांचो सत्कार करतले.
सांजेच्या 7.30 वरांचेर पं. सुधाकर देवळे हांचें गायन जातलें.
सुवाळ्यांतल्या सगळ्या गायकांक हार्मोनियमाचेर सुभाष फातर्पेकार, दत्तराज म्हाळशी, चांददेव नायक, कार्तीक च्यारी, अमोल गांवस, सोहम बाक्रे, तबल्याचेर तुळशीदास न्हावेलकार, पं. अविनाश पाटील, संकेत खलप, मिलिंद परब, गौरव गांवस, गोविंद गांवस, वासुदेव च्यारी आनी नगमा साथ उपेंद्र साळगांवकार हांची आसतली. कार्यावळीचें निवेदन संजय सालेलकार करतले. आवाज येवजण राज मडगांवकार हांची आसतली. कार्यावळ सगळ्यां खातीर उक्ती आनी फुकट आसा.
संगीत सुवाळो समिती
माची मुखेली गोपाळ च्यारी, निधी मुखेली महेश गावडे, येवकार मुखेली गजानन वांतेकार, प्रदर्शन मुखेली राघव गांवस, च्या फराळ मुखेली श्याम फातर्पेंकार, सजावट मुखेली ज्ञानेश्वर गांवस.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
