भांगरभूंय | प्रतिनिधी
गोंय क्रिकेट असोसिएशनाच्या जीपीएल तीन दिसांचे लडतीच्या पयल्या दिसाचे अखेरे मेरेन चौगुले स्पोर्ट्स क्लबान धेंपो क्रिकेट क्लबाच्या पयल्या डावांतल्या 234 धांवड्यांक 4 बाद 79 अशी जाप दिल्या. कालच्यान तीन दिसांची लडत पर्वरीच्या पीसीए मैदानाचेर सुरू जाली.
धेंपो क्रिकेट क्लबान टॉस जिखून पयलीं बॅटींग करपाचो निर्णय घेतलो. पूण, ताचो डाव ऑफ स्पिनर मोहित रेडकारान (7-103) 234चेर सोंपयलो. लक्ष्य गर्गान 70 बॉलांनी 12 चवके आनी दोन सक्यांचे मजतीन नाबाद 90 धांवड्यो केल्ल्यान धेंपो क्लबाक दोनशेंचो पांवडो हुपप शक्य जालें. ताणें रोहन बोगाटी वांगडा णववे विकेटी खातीर 61 धांवड्यो केल्यो. एका वेळार धेंपोची स्थिती वासू तिवारी बाद जाल्या उपरांत 6 बाद 116 अशी बाबत जाल्ली. ते उपरांत लक्ष्य हाणें धेंपोचो डाव सांबाळ्ळो.
धेंपोचे दोन बॅट्समन धांवबाद जाले. एक विकेट जगदीश पाटीलान घेतली. खेळ थांबलो त्या वेळार चौगुलेन आपल्या पयल्या डावांत 4 विकेटी वगडावन 79 धांवड्यो केल्यो.
वीर यादव, शिवम आमोणकार, ओंकार देशभंडारी, समर दुभाषी बाद जाले. धेंपोच्या दीप कसवणकार आनी विकास सिंग हांणी दरेकी 2 विकेटी घेतल्यो. खेळ थांबलो त्या वेळार कश्यप बखले आनी वर्धन मिस्कीन वळेरेन 23 आनी 14 धांवड्यांचेर खेळटाले.
थोडे भितर धांवतकटोः धेंपो क्रिकेट क्लब, (पयलो डाव) 57.5 ओव्हरींनी सगले बाद 234 धांवड्यो (अभिनव तेज राणा 7, मंथन खुटकार 36, यश पोरोब 34, करण वसोदिया 1, वासू तिवारी 16, दीप कसवणकार 3, लक्ष्य गर्ग नाबाद 90, विकास सिंग 16, साईश कामत 1, रोहन बोगाटी 10, पुंडलीक नायक 0, अतिरिक्त 13 धांवड्यो).
बॉलींगः मोहित रेडकार 25-3-103-7, जगदीश पाटील 11-0-33-0, फॅलिक्स आलेमांव 13.5-3-45-0, शदाब खान 2-0-14-0, कृष्णा ठाकूर 4-0-16-0, शिवम आमोणकार 2-0-11-0),
चौगुले स्पोर्ट्स क्लब, (पयलो डाव) 26 ओव्हरींनी 4 बाद 79 धांवड्यो ( वीर यादव 6, शिवम आमोणकार 18, ओंकार देशभंडारी 0, कश्यप बखले खेळटा 23, समर दुभाषी 12, वर्धन मिस्कीन खेळटा 14 धांवड्यो).
बॉलींगः दीप कसवणकार 11-3-32-2, विकास सिंग 13-3-35-2, रोहन बोगाटी 2-0-8-0.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
