भांगरभूंय | प्रतिनिधी
धुम्रपानान मुत्रपिंडांक हानी जावंक शकता आनी चिरकालीन मुत्रपिंड दुयेंसा सारकिल्ले रोग वाडूंक शकतात. धुम्रपान करप्यांची मुत्राशयाची भलायकी देंवप, चड करून मुत्रपिंडांत रगताची पुरवण उणी जाल्ल्यान जाता.
धुम्रपानाचो मुत्रपिंडाच्या जायत्या प्रस्नां कडेन लागींचो संबंद आयला आनी ताचेर बरेंच संशोधन जालां. मुत्रपिंड, मुत्राशय आनी संबंदीत अवयव हांचो आस्पाव आशिल्लें मुत्रपिंड तंत्र तंबाखूंतल्या विखारी घटकांक असुरक्षित आसता. सिगरेटीच्या धुंवरांत डांबर, निकोटीन आनी हेर विखारी पदार्थ आसतात, जाका लागून मुताच्या तंत्रा संबंदीत प्रस्न निर्माण जावं येतात. ताचे वायट परिणाम जावंक शकता. धुम्रपानाचो संबंद जायत्या दुयेंसां कडेन आसा, तातूंत इंटरस्टिशियल सिस्टिटिस, मुत्राशयाचे कॅन्सर, मुत्रपिंडाचे कॅन्सर, प्राटेस्ट कॅन्सर, इरेक्टाइल डिसफंक्शन, वांझपण हांचो आस्पाव जाता.
मुत्राशयाच्या कॅन्सराच्या सगळ्या दुयेंतींतल्या सुमार अर्द्या दुयेंतींचो संबंद तंबाखूच्या धुम्रपानाक लागून जाला, जें ह्या दुयेंसाचें एक मुखेल कारण आसा. ते भायर धुम्रपानाचे संबंद निदान जाले उपरांतच्या वायट परिणामां कडेन आशिल्ल्याचें दिसून आयलां. तंबाखूंत एन- नायट्रोसो संयुगां, सुगंधी अमायन, विशम चक्रीय अमायन आनी पॉलीसायक्लिक सुगंधी हायड्रोकार्बन हांचो आस्पाव आशिल्ले कार्सिनोजन चड प्रमाणांत आसतात. ह्या पदार्थांचो मुत्राशयाच्या कॅन्सरा कडेन बरोच संबंद आसता आनी ते डीएनएची हानी करतात. धुम्रपान बंद केल्यार धोको उणो जाता, पूण केन्नाच धुम्रपान करूंक नाशिल्ल्या मनशा परस धोको अजूनय चड आसता.
संवसारीक पांवड्यार प्रोटेस्ट कॅन्सर हो दादल्यां मदलो दुसरो सगळ्यांत चड प्रमाणांत दिसपी कॅन्सर. ह्या कॅन्सराच्या धोक्याच्या घटकां विशीं खूब संशोधन केलां. सद्याची धुम्रपानाची स्थिती आनी कार्सिनोजेनेसिस हांचे मदीं स्पश्ट संबंद ना. दुसरे वटेन धुम्रपान करप्यांक धुम्रपान करिनाशिल्ल्या लोकां परस उच्च दर्ज्याच्या प्रोटेस्ट कॅन्सराचें प्रमाण चड आसता.
मुत्राशयाच्या कॅन्सराप्रमाण तंबाखूचो धुम्रपानाचो संबंद सुगंधी अमायन आनी पॉलीसायक्लिक सुगंधी हायड्रोकार्बन ह्या कार्सिनोजेनिक पदार्थांची निर्मितीकडेन जोडिल्लो आसा. ताका लागून मुत्रपिंडाचो कॅन्सर जावंक शकता. शस्त्रक्रिया वेळार जावपी वायट परिणाम, बरे जावप, शस्त्रक्रिया करपाच्यो गुंतागुंत आनी रोगाची वाड ह्या सगळ्यांचो धुम्रपाना कडेन संबंद आशिल्ल्याचें दिसून आयलां. धुम्रपानान मुत्रपिंडांक हानी जावंक शकता आनी चिरकालीन मुत्रपिंड दुयेंसा सारकिल्ले रोग वाडूंक शकतात. धुम्रपान करप्यांची मुत्राशयाची भलायकी देंवप, चड करून मुत्रपिंडांत रगताची पुरवण उणी जाल्ल्यान जाता.
धुम्रपान करिनाशिल्ल्या लोकां परस धुम्रपान करप्यांक इरेक्टायल डिसफंक्शन (ED) चड प्रमाणांत दिसून येता. ईडीचें मुखेल कारण म्हळ्यार लिंगाक फावो ती रगत पुरवण जायना. धुम्रपान केल्यार रगतपेशींचें लुकसाण जावं येता, जाका लागून लिंगाच्या रगताच्या प्रवाहाचेर परिणाम जावन लिंग दुबळें जावपाचें दुयेंस जावंक शकता. ते भायर धुम्रपान करप्यां मदीं धुम्रपान करिनाशिल्ल्या लोकां परस वांझपणाचे प्रमाण चड आसता. तंबाखूच्या वापराक लागून वांझपण येवंक शकता. कारण ताका लागून शुक्राणूंची संख्या उणी जाता आनी शुक्राणू आनी तांतयां हांच्या आनुवंशिक संरचनेंत बदल जातात. धुम्रपान करप्यांक धुम्रपान करिनाशिल्ल्या लोकां परस इंटरस्टिशियल सिस्टिटिसचें प्रमाण चड आसता. धुम्रपान केल्यार मुत्राशय इबाडटा, जाका लागून सिस्टिटिसाचीं लक्षणां चड खर जातात.
धुम्रपान बंद करपा वांगडाच निरोगी जिणे पद्दत आपणायल्यार बरें जावपाची प्रक्रिया वेगान जावंक शकता. हायड्रेशन सांबाळप, संतुलीत आहार घेवप आनी नेमान व्यायाम करप हाका लागून एकंदर मुत्रपिंडाची भलायकी वाडटा आनी धुम्रपानाक लागून जावपी नुकसाना पसून कुड दुरुस्त करपाक मदत जाता. धुम्रपान सोडप निश्चीतपणान कठीण आसलें तरी मुत्रपिंडाचे भलायके खातीर जायते फायदे आसात. मनशाची आपल्या बऱ्यापणा खातीर आशिल्ली वचनबद्धताय धुम्रपान सोडपाचे दिकेन केल्ल्या प्रवासांतल्यान दिसून येता.
निमाणें सांगपाचें जाल्यार, धुम्रपानाक लागून मुत्रपिंडाचे भलायकेचेर वायट परिणाम जातात, तरी लेगीत दरेकल्याक आपली वागणूक बदलूं येता. संवय सोडून, भलायकेन भरिल्ली जिणे पद्दत आपणावन आनी गरज पडटा तेन्ना मदत मेळोवन मुत्रपिंडाची बरी भलायकी राखून अर्थपूर्ण जिणेचो मार्ग निवळ करूं येता.
– डॉ राकेश रोशन,
सल्लागार- मुत्रविज्ञान,
मणिपाल हॉस्पिटल- गोंय
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
