भांगरभूंय | प्रतिनिधी
अपघात टाळपाक आडपय – रासय फेरीबोट दवरली बंद
भांगरभूंय । प्रतिनिधी
दुर्भाट: सैम केन्ना कूस बदलीत सांगपाक जायना. कांय दिसां आदीं पावसाक लागून लोकजीण विस्कळीत जाल्ली. जाल्यार आयतारा सकाळीं धुकें पडिल्ल्यान मुखारचें कांयच दिसनाशिल्लें. आडपय – दुर्भाटाय दाट धुकें दाटिल्लें. ताका लागून आडपय – रासयची फेरीबोट सेवा बंद दवरची पडली.
आयतारा सकाळीं जुवारी पात्रांत कांयच दिसनाशिल्लें. कसलेचो तरेचो अपघात जावचो न्हय म्हणून फेरी बंद दवरची पडली, अशें फेरीबोटी वयल्या कर्मचार्यांनी सांगलें. मजगतीं, फेरीबोट बंद आशिल्ल्यान वेर्णा, वास्को आनी मडगांवां वचपी प्रवाशांक त्रास सोंसचे पडले.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
