भांगरभूंय | प्रतिनिधी
-पंचायत, पालिकांच्या सहकार्यान जातली जागृतायपणजी : कायद्यान धिरयो वा बैलांच्या धिरयांचेर बंदी आसा. ह्या बंदीच्या कार्यवाये खातीर उत्तर गोंय अतिरिक्त जिल्होधिकाऱ्याच्या फुडारपणा खाला बसका जाली, अशी म्हायती उत्तर गोंयचे जिल्होधिकारी अंकीत यादव हांणी दिली.
हे बसकेक पुलीस अधिकारी तशेंच प्राणीमित्र संघटणांचे प्रतिनिधी हाजीर आशिल्ले. धिरयोन कांय लोकांक खोशी मेळत आसली तरी बैलांक ताचो त्रास जाता. बैल जखमी जावपाची भिरांत आसता. कांय वेळार धिरयोक लागून बैलांक मरण लेगीत आयलां. हणजूण, हरमल, हडफडें, मांद्रें, मोरजी ह्या वाठारात धिरयोचे प्रकार चलतात. त्या, त्या पुलीस स्टेशनाच्या अधिकाऱ्यानी गस्त दवरून धिरयोचेर नदर दवरची. धिरयो जाता अशे कळ्ळे जाल्यार लोकांनी पुलिसांक म्हायती दिवपाक जाय. पंचायत, पालिका मंडळाच्या सहकार्यान धिरयो विशीं जागृताय जातली. ज्या वाठारांत धिरयो जाता, त्या वाठाराचेर पुलिसांची खर नदर आसतली, अशी म्हायती जिल्होधिकारी अंकीत यादव हांणी दिली.
————–
दक्षीण गोंयांतूय धिरयांचें अायाेजन, लाखांची बेटींग मडगांवः दक्षीण गोंयांतल्या बाणावली, कोलवा, फातोड्डें, बेतालभाटी, वार्का सुरावली ह्या वाठारांनी धिरयो अजूनय आयोजीत करतात. हाचे पयलीं सप्तकांत तीन ते चार खेपे धिरयो जाताल्यो. आतां पुलिसांच्या कारवायेक लागून म्हयन्याक तीन चार धिरयो जातात. ही म्हायती सोशल मिडिया वरवीं धिरयो मोगींक मेळटा. ह्या धिरयांचेर लाखांनी रुपयांची बेटींग लागता.
मामलेदार, पुलिसांक कारवायेचें निर्देश
उत्तर गोंयचे अतिरिक्त जिल्होधिकारी गुरूदास देसाय हांणी काल बसका घेवन धिरयांच्या आयोजनाचेर कारवाय करपाचे निर्देश मामलेदार आनी पुलिसाक दिले.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
