भांगरभूंय | प्रतिनिधी
जम्मू, खबरां संस्था: धा वर्सां उपरांत जम्मू-काश्मीरांत विधानसभा वेंचणूक आयज सुरू जाल्या. घाटींतल्यान कलम ३७० काडल्या उपरांत लोकशाय तिगोवन दवरपा खातीर आयज काश्मीरचे लोक इतिहासीक खीण पळयतात.
जम्मू-काश्मीरांत ३ पांवड्यांनी विधानसभा वेंचणूक चालू आसा. हाचो पयलो टप्पो आयज सावन सुरू जाला आनी ७ जिल्ह्यांच्या २४ विधानसभा जाग्यांनी वेंचणूक सुरू आसा. वट्ट २१९ उमेदवार वेंचणुकेक देंवल्यात. मतदाना खातीर ३ हजार २७६ मतदान केंद्रां केल्यांत.
पयल्या टप्प्याच्या वेंचणुकेंत काश्मीरी पंडितूय मतदान करपाक भायर सरल्यात. ३५ हजारां परस चड स्थलांतरीत काश्मीरी पंडितांनी मतदान करपा खातीर नोंदणी केल्या. ईव्हीएम वरवीं व्यक्तिगत मतदानाचो पर्याय वेंचपी प्रवासी काश्मीरी मतदारांक २४ मतदान केंद्रांनी ही सुविधा मेळटली. वेंचणूक शांततायेन चलची हे खातीर सुरक्षा रक्षकांची नेमणूक केल्या.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
