भांगरभूंय | प्रतिनिधी
२०२५ – २६ वर्साचे परिक्षेचें संभाव्य वेळापत्रक जाहीर
पणजी : अंदूंच्या शिक्षणीक वर्सा खातीर (२०२५-२६) शालान्त मंडळान धावी आनी बारावेच्या परीक्षांचे संभाव्य वेळापत्रक जाहीर केलें. हें वेळापत्रक म्हणल्यार शालान्त मंडळाच्या वर्सुकी नियोजनाचा भाग आशिल्ल्यान तातूंत बदल जावप शक्य आशिल्ल्याचें मंडळान स्पश्ट केलां.
धावेची परीक्षा २ ते २७ मार्च २०२६ मेरेन चलतली. हातूंत तांत्रीक विशयांचोय आसपाव आसा. बारावेची परीक्षा (कला, वाणिज्य आनी विज्ञान) १० ते २७ फेब्रुवारी २०२६ मेरेन चलतली. बारावेची वेवसायीक शाखेची परिक्षा ११ ते २३ फेब्रुवारी २०२६ मेरेन चलतली. कला, वाणीज्य, विज्ञान आनी वेवसायीक फांट्या खातीरचें संभाव्य वेळापत्रक मंडळान जाहीर केलां. धावी आनी बारावेचे पेपर सकाळच्या सत्रांतूच जातले. परीक्षेचो वेळ सकाळीं ९.३० ते १२.३० मेरेन आसतलो.
धावेचे परीक्षेचे संभाव्य वेळापत्रक अशें आसा : २ मार्च २०२६ (सोमारा) – इंग्लिश/ फंक्शनल इंग्लिश, ४ मार्च – हिंदी/ फंक्शनल हिंदी, ६ मार्च – मराठी/ फंक्शनल मराठी, ९ मार्च – सोशियल सायन्स (समाज शास्त्र), ११ मार्च- मॅथेमेटिक्स २, १२ मार्च – मॅथेमेटिक्स १, १३ मार्च – जॉग्रफी (भुगोल), १४ मार्च – सायन्स (विज्ञान). हाचे उपरांत २७ मार्च मेरेन एनएसक्यूएफ तशेंच तांत्रीक विशयांचें पेपर आसतले.
बारावेचे परीक्षेचें (कला, वाणिज्य, विज्ञान शाखेचें) वेळापत्रक :
१० फेब्रुवारी २०२६ – इंग्लीश, १२ फेब्रुवारी – फिजीक्स/ एकांटंसी/ हिस्ट्री, १४ फेब्रुवारी – बायोलॉजी/ जीओलॉजी/इकोनोमिक्स, १७ फेब्रुवारी – मॅथेमेटिक्स/ सोशिओलॉजी, १८ फेब्रुवारी – इंग्लिश/ कोंकणी/ उर्दु/ संस्कृत/ फ्रेंच/ पुर्तुगीज, १९ फेब्रुवारी – मराठी, २० फेब्रुवारी – केमेस्ट्री/ बिजनेस स्टडीज/ पॉलीटीकल सायन्स, २१ फेब्रुवारी – हिंदी.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
