भांगरभूंय | प्रतिनिधी
३२ केंद्रांचेर १८८७१ विद्यार्थी दितले परीक्षा
पणजी : गोंय शालान्त मंडळाची धावेची परीक्षा फाल्यां १ मार्च सावन सुरू जाता. राज्यांतल्या ३२ केंद्रांचेर १८८७१ विद्यार्थी (फ्रेश) परीक्षेक बसतले. परीक्षा २१ मार्च २०२५ मेरेन चलतली. फाल्यां १ मार्चाक पयली भास (इंग्लीश/मराठी/उर्दू) विशयाचो पेपर जातलो. सदांच सकाळीं ९.३० ते १२.३० वरां मेरेन पेपर जातलो.
अंदूं विद्यार्थ्यां परस विद्यार्थीनींचो आंकडो मात्सो चड आसा. ९२९७ विद्यार्थी, जाल्यार ९५७४ विद्यार्थीनी परीक्षेक बसतल्यो. विद्यार्थ्यांनी पेपर सुरू जावचे पयलीं अर्द वर पयलीं म्हळ्यार ९ वरांचेर परीक्षा केंद्राचेर हजर रावप गरजेचें. फाटल्या वर्सा १८९१४ विद्यार्थी परीक्षेक बशिल्ले. फाल्या वर्सा परस अंदूं विद्यार्थ्यांचो आंकडो ३४न उणो जाला.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
