भांगरभूंय | प्रतिनिधी
तुमीय १० वी पास जाल्यात आनी सरकारी नोकरी मेळोवपाची इत्सा आसल्यार तुमकां एक बरी खबर आसा. इंडो तिबेटीयन बॉर्डर पुलीस फोर्स म्हळ्यार ITBP न १० वी पास जाल्ल्या हवालदा (ड्रायव्हर)च्या जायत्या पदां खातीर अर्ज मागयल्यात, जाचे खातीर अर्ज करपाची प्रक्रिया ८ ऑक्टोबर सावन सुरू जाल्या. पात्र आनी इत्सूक उमेदवारांनी ITBP recruitment.itbpolice.nic.in चे वेबसायटीक भेट दिवन ह्या पदां खातीर अर्ज करूंक शकतात. अर्ज करपाची निमाणी तारीक ६ नोव्हेंबर.
हे भरती मोहिमे खाला हवालदार (ड्रायव्हर) हांचीं वट्ट ५४५ पदां भरतले. आयटीबीपीन जरी रित्या पदांच्यो सुवातो उण्यो आसात अशें म्हणलां तरी फुडें तातूंत बदल करूं येता म्हळ्यार पदांची संख्या वाडोवंक वा उणी करूं येता. ह्या पदां खातीर फकत दादल्या उमेदवारांक अर्ज करपाक मेळटले हें लक्षांत दवरात.
पिराय मर्यादा आनी पात्रताय
ITBP त कॉन्स्टेबल (ड्रायव्हर) ह्या पदां खातीर अर्ज करपी उमेदवारांची पिराय ६ नोव्हेंबराक उण्यात उणी २१ आनी चडांत चड २७ वर्सां आसपाक जाय. तशेंच राखीव प्रवर्गातल्या उमेदवारांक नेमां प्रमाण पिरायेंत सवलत दितले.
अर्ज करपा खातीर
शिक्षणीक पात्रताये विशीं उलयतना उमेदवारांची उण्यांत उणी शिक्षणीक पात्रताय १०वी वा मान्यताय प्राप्त मंडळ वा संस्थे कडल्यान मॅट्रीक पास आसपाक जाय. हाचे भायर तांचे कडेन वैध जड ड्यूटी वाहन चालक परवानोय आसपाक जाय.
अर्ज शुल्क कितलें?
ह्या पदां खातीर अर्ज करपी जनरल, ओबीसी आनी ईडब्ल्यूएस वर्गांतल्या उमेदवारांक अर्ज शुल्क १०० रुपया आसा, जाल्यार अनुसूचित जाति, अनुसूचित जनजाति आनी माजी सैनिक वर्गांतल्या उमेदवारांक अर्ज शुल्कांत सुट दिल्या.
निवड प्रक्रिया कितें?
ह्या पदां खातीर भरती प्रक्रिया दोन टप्प्यांनी पुराय जातली. तातूंत पयल्या टप्प्यांत शारिरीक कार्यक्षमताय चांचणी (पीईटी) आनी शारिरीक मानक चांचणी (पीएसटी) हांचो आस्पाव जाता. पयल्या टप्प्यांत येसस्वी जाल्ल्या उमेदवारांकच दुसर्या टप्प्याचे बरयल्ले चांचणे खातीर हाजीर रावपाक मेळटलें हें लक्षांत दवरात.
परिक्षेचो नमुनो कितें?
हवालदार (ड्रायव्हर) पदाची लेखी परिक्षा वट्ट १०० गूणांची आसतली, जातूंत वस्तुनिश्ठ बहुविकल्पी प्रस्न आसतले. ही दोन वरांची परिक्षा संगणक आदारीत वा ओएमआर मोडांत आसतली आनी आयटीबीपी परिक्षा खंयच्या मोडांत जातली तें थारायतलो. हे परिक्षेंत सामान्य गिन्याना संबंदीत १० प्रस्न विचारतले, जातूंत वट्ट १० गूण मेळटले. ते भायर गणितांतल्यान १० प्रस्न विचारतले आनी १० गूण आनी २० गूण घेवन सामान्य इंग्लीश वा सामान्य हिंदींतल्यान २० प्रस्न विचारतले, वट्ट ६० प्रस्न त्या त्या विशयाक संबंदीत आसतले. परिक्षेंत वेपार (मोटर येरादारी) विचारतले आनी तातूंत तुमकां ६० गूण मेळोवपाक जाय.
चड म्हायती खातीर, उमेदवार ITBP recruitment.itbpolice.nic.in चे वेबसायटीक भेट दिवपाक शकतात.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
