भांगरभूंय | प्रतिनिधी
भांगरभूंय । प्रतिनिधी
फोंडेंः कुंडयच्या स्वामी ब्रह्मानंत संस्कृत प्रबोधिनी संचलीत स्वामी ब्रह्मानंद संस्कृत पाठशाला- ओपा खांडेपार हाचे वतीन तपोभूमीच्या त्रिदशक पूर्ती महोत्सवा निमतान गावठण, पिळयें धारबांदोडे हांगचे प्राथमीक शाळेंत बाल संस्कार शिबीर जालें.
ह्या वेळार सानिका पाटील मुखेल सोयरी म्हणून हाजीर आशिल्ली. माचयेर जिल्हो पंचायत वांगडी उमाकांत गावडे, सुरेखा नायक, वंदना जाथव, कल्पना शेणकर, सुशांती नायक, किरम नावेलकार, सतीश गुरुजी, लक्ष्मी गांवस आशिल्ली. आमी भुरग्यांक ज्यो देव धर्माच्यो, संस्कृतीच्यो गजाली शिकयतात त्यो तांच्या फुडाराच्या जिणेत उपेगी पडपी आसतात. पालकांनी आनी शिक्षकांनी केल्ल्या संस्कारांक लागून विद्यार्थी जीण समृद्ध जाता. बरे संस्कार जाल्यार शिक्षणांत फाटीं आशिल्लो विद्यार्थी लेगीत आपलें ध्येय हातासपाक शकता अशें सानिका पाटील हिणे शिबिरांत सांगलें.
शिबिराची सुरवात स्वामी बह्मानंद हांच्या फोट्याक हार घालून जाली. संत समजा अध्यक्ष सतीश गुरुजीन येवकार दिवंन प्रास्तावीक केलें. विद्यार्थ्यांनी शिबिरांत शिकयल्ल्या अभ्यासक्रमाचें सादरीकरण केलें. गावठण शाळेची मुख्याध्यापिका सुरेखा नायकान हिका राज्य आनी राष्ट्रीय पावंड्या वयलो शिक्षक पुरस्कार फावो जाल्ले खातीर संत समाजा वतीन तिचो भोवमान केलो. शिबिरांत भुरग्यांक लक्ष्मी गांवस आनी स्वानंदी गावडे हांणी मार्गदर्शन केलें. सतीश गावडेन उपकार मानले.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
