भांगरभूंय | प्रतिनिधी
फोंडें: धारबांदोड्यां आयज मंगळारा सकाळीं सीएनजी घेवन वचपी टॅम्पोंतल्यान गॅस गळटी जाली. सकाळच्या वेळार सरकारी इमारती लागसार व्हड आवाज जाल्ल्यान ह्या वाठारांतल्या लोकांनी धांव घेतली. फोंडें पुलीस रोखडेच घडणुके सुवातेर पावून तांणी परिस्थितीचेर लक्ष दवरलें.
थळाव्या लोकांनी दिल्ले म्हायती प्रमाण, जीए – ०४- टी – ६१८७ नंबर आशिल्लो टॅम्पो फोंडेंच्यान मोल्यां वतालो. धारबांदोडचे शासकीय इमारती मुखार पावले उपरांत व्हड आवाज जाल्ल्यान चालकान टॅम्पो थारावन पळोवणी केली. होळयेच्या दिसा नवोच आयिल्ल्या चालकाक स्पिडब्रेकराचेर सुटिल्ले धापणें परत कशें लावप हें खबर नाशिल्लें. कुंडयच्या सी एनजीचे कर्मचारी घडणुके सुवातेर पावता मेरेन पुराय गॅसीची गळटी जाली. आवाज आयकून टॅम्पो कडेन येवन लोकांनी पळोवणी केली. उपरांत थळाव्यांक टॅम्पोंतल्यान गॅस गळटी जाल्ल्याचें दिसलें. गंस गळटी उपरांत टॅम्पो चालक थंयच्यान फाटीं सरलो.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
