भांगरभूंय | प्रतिनिधी
भांगरभूंय। प्रतिनिधी
फोंडेंः धारबांदोडें तालुको ज्येश्ठ नागरीक फोरमाचो आनंद मेळावो सातपाल-साकोर्डें हांगच्या वन आर्बेटोरियमांत व्हडा उमेदीन जालो. ह्या वेळार ज्येश्ठ नागरीक फोरमाच्या 31 वांगड्यांनी वांटो घेतलो. धारबांदोडें ज्येश्ठ फोरमाचो अध्यक्ष नरेश शिरगांवकार ह्या वेळार हाजीर आशिल्लो.
ह्या वेळार फोरमाच्या सगल्या वांगड्यांनी आपली वखक, जिणेतले अणभव, केल्ली बरीं कामा हाची म्हायती दिली. जेश्ठ नागरिकांनी गीत गायन, विनोद, अभंग, आनी तरेकवार प्रार्थना म्हणल्यो. वासदेव देसाय हाणे रामायण, म्हाभारत, आनी गोंयांत सद्या सुरु आशिल्ल्या राष्ट्रीय खेळां सर्तीची म्हायती दिली. ह्या वेळार प्रश्न मंजुषा सर्ती घेतली. तातूंत जैतिवंत थारल्ल्यांक इनामां भेटयली. ज्येश्ठ नागरिकां खातीर व्हो दिस सामको खोशयेचो गेललो. निशा गांवकारान सगल्यांचे उपकार मानले.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
