भांगरभूंय | प्रतिनिधी
भांगरभूंय । प्रतिनिधी
फोंडेंः धारबांदोडें हांगा उपजिल्होधिकारी कार्यालया सामकार स्पीड ब्रेकराक लागून सोमरा रातयां अपघात जाल्या उपरांत मंगळारा रातीं उसरां मेरेन बांधकाम खात्याच्या अधिकाऱ्यांनी थळाव्या लोकांनी केल्ल्यो मागण्यो पुराय केल्या. स्पीड ब्रेकर रंगोवन थंय दिव्याची वेवस्था केल्या. वाहनांचो वेग कमी करपा खातीर रंबलर्स घातल्यात. ताका लागून थळाव्यांनी बिरेस्तारा आयोजीत केल्लें रस्ता रोको आंदोलन स्थगीत केलां.
उपजिल्होधिकारी कार्यालया सामकार आशिल्ल्या ह्या स्पीड ब्रेकराक लागून सोमरा राती स्कुटर पडून एके तरणाटेक मरण आयिल्लें. अपघाताक स्पीड ब्रेकराक कारण आशिल्ल्यान थळाव्या लोकांनी आनी सरपंच बालाजी गांवस हाणे स्पीड ब्रेकर रंग काडून थंय दिव्याची वेवस्था करपाची मागणी केल्ली. ताची दखल घेवन बांदकाम खात्यान तें रंगकाम करून रंबलर्स घातले जाल्यार वीज खात्यान लायटीचो खांबो उबारून दिवो बसयलो.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
