भांगरभूंय | प्रतिनिधी
पेडणें: धारगळे पंचायतीच्या सरपंचपदार राजकी नाट्य घडामोडी घडटना अर्जुन कानोळकार हांची दुसरे फावटीं विरोधाविणें निवड जाली.
धारगळचे सरपंच दाजी शिरोडकार हांणी आपल्या पदाचो राजीनामो दिले उपरांत हांगचें सरपंचपद रितें आशिल्लें. हे खातीर 1 ऑक्टोबराक पंचायत मंडळाची विशेश बसका आयोजीत करून सरपंचपदाची निवड केली. ह्या वेळार अर्जुन कानोळकार हांणी सरपंच पदा खातीर अर्ज दाखल केलो.
ह्या वेळार दीप्तीशा नारोजी, दाजी शिरोडकार, सतीश धुमाळ, अनिकेत साळगांवकार आनी दिलीप वीर हे पंच वांगडी हजर आशिल्ले.
अर्जुन कानोळकार हांची ह्यान पयलीं 2024 वर्सा एका वर्सा खातीर सरपंच म्हणून विरोधाविणें निवड केल्ली.
दाजी शिरोडकार हांणी सरपंच पदाचो राजीनामो दिले उपरांत फुडलो सरपंच कोण? हें थारूंक नाशिल्लें. मात 1 ऑक्टोबराक अचकीत अर्जुन कानोळकार हांकांच हाजीर पंच वांगड्यांनी संमती दिली आनी नाट्यमय घडामोडी सरपंच म्हणून अर्जुन कानोळकार हांची दुसरे फावटीं विरोधाविणें निवड जाली.
सरपंच अर्जुन कानोळकार हांणी जे तरेन दुसरे फावट आपल्याचेर पंच वांगड्यांनी विस्वास दाखोवन आपल्या सरपंचपद दिलें. त्या सगल्यांचो हांव उपकारी. तशेंच पंचायत वाठारांची उदरगत करपाचो आपूण यत्न करतलों. सगल्या प्रभागांनी एक सारकी उदरगत करतले अशें तांणी सांगलें.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
