भांगरभूंय | प्रतिनिधी
० शोले सिनेमा थेटरांत लागून फाटल्या 15 आॅगस्टाक 50 वर्सां पुराय जालीं. ह्या सिनेमांतले प्रत्येक संवाद गाजले. धर्मेंद्राचो एक संवाद आसा, “बसंती, इन कुत्तों के सामने मत नाचना”. तो मूळ पटकथेंत नाशिल्लो! धर्मेंद्राक शुटींगा वेळार फकांडां करतना तो सुचलो. ताणें हो घेवं? अशें दिग्दर्शक रमेश सिप्पीक विचारलें. ताकाय तो इतलो आवडलो की ताणें घे म्हूण सांगलो.
० शोलेंत सगल्यांत गाजली ती गब्बरसिंहाची भुमिका. सुरवातेक डॅनी, मागीर शत्रुघ्न सिन्हा, राजकुमार हांकां विचारिल्लें. मागीर लेखक सलीम- जावेदान गब्बराचें नांव सुचयलें. ताणी ताका नाटकांत पळयिल्लो. जावेदाक अमजद खानाचो आवाज हलको, पातळ लागिल्लो. पूण उपरांत तोच आवाज गाजलो.
० ‘हम आपके हैं कौन’ ह्या सिनेमा खातीर निर्मात्यांनी एका दृश्यांत माधुरी दीक्षिताच्या हांश्याचो (स्मायल) 25 लाखांचो खाशेलो विमो घेतिल्लो!
० ज्युरासिक पार्क हें हॉलीवूडाचें गाजिल्लें फिल्म. तातूंतल्या साउंड इफेक्टाचें गुपीत तुमकां खबर आसा. डायनासोरांचो भयंकर आवाज म्हणल्यार प्रत्यक्षांत पेंग्विन आनी सुण्यांच्या आवाजांचो मेळ.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
