भांगरभूंय | प्रतिनिधी
वॉशिंग्टन, खबरां संस्था ः 381 वर्सां उपरांत भूंयशास्त्रज्ञांनी संवसारांतल्या आठव्या खंडाचो सोद लायला. ताची चडशी जमीन दर्याच्या उदका पोंदा आशिल्ल्यान ती दिसनाशिल्ली. ह्या आठव्या खंडाक झिलँडिया वा ते रिऊ- ए- मोई अशें म्हण्टात.
संवसारांत आशिया, आफ्रिका, युरोप, अमेरिका, ऑस्ट्रेलिया, अंटार्क्टिका आनी आर्क्टिक अशें सात खंड आसात. पूण, आतां ह्या नव्या खंडाचो तातूंत आस्पाव जाला. न्यूझीलंडांतल्या जीएनएस सायन्स हे संस्थेचो शास्त्रज्ञ अँडी टुलोच हांचो झिलँडिया खंड सोदपाचे मोहिमेक वांटो आशिल्लो.
संवसारांत झिलँडिया नांवाचो आठवो खंड आसा अशें निरिक्षण 1642 वर्सा डच वेपारी आनी खलाशी आबेल तस्मान हाणें नोंद केल्लें. दक्षिणे वटेनचो व्हड खंड सोदून काडपाखातीर तो मोहिमेचेर आशिल्लो. न्यूझीलंडांत थळाव्या लोकांनी तस्मनाक ताचे विशीं म्हत्वाची म्हायती दिली. ताच्या निरिक्षणां उपरांत झिलँडियाच्या अस्तित्वाचेर छाप घेवपाक 381वर्सां लागलीं.
झिलँडिया कसो आसा?
हांगाच्या खंडपांच्या अभ्यासा वयल्यान झिलँडिया हो पुर्विल्लो महाखंड गोंडवनाचो एक भाग आशिल्लो. 55 कोटी वर्सां आदीं ताची निर्मिती जाल्ली.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
