भांगरभूंय | प्रतिनिधी
नवी दिल्ली, खबरां संस्थाः धर्तरेक आतां दोन चंद्र आसतले. अमेरिकेची अंतराळ संस्था नासान हालींच धर्तरेक नवो चंद्र मेळ्ळ्याचे जाहीर केलां. 2083 मेरेन तो अवकाशांत रावतलो.
2025 पीएन7 नांवाचो एक ल्हानसो लघुग्रह धर्तरे खातीर अर्दचंद्र म्हूण काम करतलो अशें नासान सांगलां. ही एक दुर्मिळ अवकाशातली वस्तू आसून ती धर्तरेच्या गतीनूच सुर्या भोंवतणी फिरता.
2025 वर्साचो पीएन7 लघुग्रह सुमार 18 ते 36 मीटर रुंद आसून ताची उंचाय एका ल्हान इमारती इतली आसा. पूण तो धर्तरेचो खरो चंद्र न्हय, कारण तो चंद्रा भशेन गुरुत्वाकर्शणान बांदिल्लो ना. हो लघुग्रह खूब काळ धर्तरेक लागीं रावतलो. हाका लागून तो धर्तरे भोंवतणी भोंवता अशें दिसता, पूण प्रत्यक्षांत तो सुर्याचे भोंवतणीं भोंवता.
शास्त्रज्ञांच्या मतान हो लघुग्रह फाटलीं 60 वर्सां धर्तरेच्या कुशीकच्यान वता आनी 2083 मेरेन तो असोच करतलो आनी उपरांत तो अवकाशात वतलो.
आतां मेरेन शास्त्रज्ञांनी आठ अर्द-चंद्रांची पुश्टी केल्या. धर्तरे भोंवतणीं भोंवपी पयलो लघुग्रह व्हीजी हो 1991 वर्सा सोदून काडिल्लो.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
