भांगरभूंय | प्रतिनिधी
नामनेची द. आफ्रिकन गायिका, गीतकार झहारा (बुलेलवा कुटुकाना) काल संवसाराक अंतरली. ती ३६ वर्सांची आशिल्ली. तिच्या जायत्या अल्बम प्लॅटिनम महोत्सव मनयला. तिच्या मरणाचें कारण घरच्यांनी कळोवंक ना. लिवर इबाडिल्ल्यान तिका मरण आयिल्ल्याचें कळटा. घरांतल्या रेडियोचेर आवय लायता तीं पदां आयकून ताका संगीताची आवड निर्माण जाली. पिरायेच्या ६ व्या वर्सा झहारा शाळेंत गावपाक लागलें. गावपाचें कसलेंच शिक्षण घेवंक नाशिल्लें जहारा पदां आयकून गावपाक शिकलें. तें स्वताच गिटारूय शिकिल्लें.
नेल्सन मंडेला हांणी हाथरुणाचेर आसतना ताका घरा आपोवन आपले खातीर गावपाक लायिल्लें. झहाराचो २०११ तलो Loliwe हो अल्बम खूब गाजिल्लो. बीबीसीन २०२१ त तिका संवसारांतल्या १०० बायलांचे वळेरेंत स्थान दिल्लें. बायलां आडच्या हिंसाचाराचेर झहारान आवाज उठयिल्लो.
गीत – युट्यूबाच्या बरेपणान. (झहाराच्या फेंडुला पदाचो व्हिडियो)
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
